بغلان ولایتیدن اعتبارلی بیر منبع نینگ سلام‌وطندارگه ایتیشیچه، اوشبو ولایت نینگ جلگه تومنی‌نی «گودری» منطقه‌سیده طالبان لایزری قطعه‌سی نینگ هجومی سبب، اوشبو تومن پولیس قومندانی گلبدین غفوری و برکه تومنی نینگ پولیس قومندانلیگی سرپرستی لطف‌الله حق‌بین باشقه ۷ پولیس بیلن هلاک ایتیلگن و مردمی کوچلر شامل باشقه ۱۰ حربی یره‌لنگن.
لوگر ولایتیدن امنیتی بیر منبع نینگ کیم‌لیگی سیرقالیش‌نی ایسته‌ب سلام‌وطندارگه ایتیشیچه، بوگون “چهارشنبه” ایرته‌لب ساعت ۴ ده اوشبو ولایت نینگ بره‌کی برک تومنی‌نی «لب جر» منطقه‌سیده جایلشگن امنیتی بیر پوسته طالبان قولیگه سقوط قیلیب و مذکور پوسته‌ده بولگن دولتی کوچلر بوتون حربی تجهیزات‌لری بیلن طالبان گروهی‌گه قوشیلگن.
زابل محلی مسوول‌لری نینگ ایتیش‌لریچه، اوشبو ولایتده امنیتی بیر پوسته طالبان قولیگه سقوط قیلیب و عملیاتی کندک ارکان رئیسی شامل ایکی حربی هلاک ایتیلگن.
طالبان سوزلاوچی‌لریدن بیری ذبیح‌الله مجاهد نینگ ادعا قیلیشیچه، مذکور گروه رهبری نینگ بویروغی اساسیده، بغلان ده بو گروه توتقونیده بولگن امنیتی کوچلردن ۶۵ ته‌سی قوییب یوباریلگن.
دهنه غوری تومنی ولسوالی محمدصابر قلیچ نینگ سلام‌وطندارگه ایتیشیچه، طالبان جنگریلری شکست بیلن دوچ کیلگنیدن سونگ، بازار و دکان‌لرینی اوت بیرگن. اونینگ کوپه‌یتیریشیچه، طالبان جنگریلری بیرینچیدن ۴ دکان و بیرقطار کراچی‌لرنی اوت بیریب و اوندن سونگ، قاچیب کیتگن‌لر.
بغلان ولایتیدن امنیتی بیر منبع نینگ کیم‌لیگی سیرقالیش‌نی ایسته‌ب سلام‌وطندارگه ایتیشیچه، اوتگن کیچه اوشبو ولایت نینگ بغلان مرکزی تومنیده امنیتی کوچلردن کمیده ۱۰۰ ته‌سی بوتون حربی تجهیزات‌لری بیلن طالبان گروهی‌گه قوشیلگن.
بغلان مرکزی تومنی نینگ شهرقدیم و پولیس ۵- امنیتی سمتی شامل کوپ‌قطار منطقه‌لر طالبان قولیگه سقوط قیلگن.
نماینده‌لر کینگشی عضوی مهدی راسخ نینگ ایتیشیچه، اوتگن “سه‌شنبه” کونی میدان‌وردک ولایتی نینگ بهسود تومنیده اونگه قرشی صورت تاپگن هجوم دموکراسی و ملت اویی‌گه قرشی هجوم دیر.
جناب راسخ نینگ بوگون “چهارشنبه” اوشبو کینگش عمومی ییغینیده ایتیشیچه، حکومت او و قوروقچی‌لرینی نابود قیلیش اوچون دسیسه توزه‌تگن.
مردمی بیر منبع نینگ کیم‌لیگی سیرقالیش‌نی ایسته‌ب سلام‌وطندارگه ایتیشیچه، طالبان جنگریلری اوتگن کیچه ساعت ۳ ده زیباک تومنی نینگ «سرشخ» منطقه‌سیده جایلشگن امنیتی بیر پوسته اوستیگه هجوم قیلگن و نتیجه‌ده امنیتی کوچلردن ۸ ته‌سی هلاک و باشقه ۲ ته‌سی یره‌لنگن.
منبع گه کوره، طالبان جنگریلری مذکور پوسته‌نی اوت بیریب و امنیتی کوچلر بوتون حربی تجهیزات‌لرینی اوزلری بیلن آلیب کیتگن.
طالبان گروهی سونگی ۶ آی جریانیده بونده‌ی هجوم‌لرینی توخته‌تیب قوییگن ایدی، لیکن سونگی پیت‌لرده قیته باشله‌گن. اوشبو گروهی نینگ نفوذلی بیرعضوی ۲۵ حملده قندوز ۵- امنیتی حوزه‌سی اورین باسرینی باشقه ایکی پولیس بیلن اولدیریب و اوزی حربی تجهیزات و بیرهاموی تانک بیلن طالبان‌گه قوشیلگن.
نماینده‌لر کینگشی عضوی نوریه حمیدی نینگ سلام‌وطندارگه ایتیشیچه، بغلان ولایتی نینگ دهنه‌غوری تومنیده طالبان تامانیدن اویوشتیریلگن هجومده پولیس کوچلریدن ۸ ته‌سی هلاک و باشقه ۹ ته‌سی یره‌لنگن.
خانم حمیدی نینگ کوپه‌یتیریشیچه، طالبان هجومی اوتگن کیچه باشلنگن و ایرتهدن چاغی‌گه‌قدر دوام قیلگن و امنیتی کوچلرنینگ ۴ تانگی تخریب ایتیلگن.
اوتگن ایکی ییل ده طالبان نینگ افغانستان سووتوغان‌لری اوستیگه اویوشتیرگن ۱۱۸ هجومیده امنیتی کوچلردن ۸۰ ته‌سی هلاک و باشقه ۸۲ ته‌سی ایسه یره‌لنگن. بیر منبع تامانیدن سلام‌وطندارگه یوباریلگن معلومات نینگ کورستیشیچه، مذکور سووتوغان‌لرگه شاه‌وعروس، مچلغو، سلما و پاشدان، کجکی و گرشک و شونینگدیک دهندره سووتوغان‌لری شامل بوله‌دی.
بغلان ولایتیدن امنیتی و محلی منبع‌لرنینگ سلام‌وطندارگه ایتیش‌لریچه، اوتگن کونی اوشبو ولایت نینگ دهنه‌غوری تومنیده یوز بیرگن پارتلشده ۵ پولیس هلاک ایتیلگن.
منبع نینگ ایتیشیچه، طالبان جنگریلری دهنه‌غوری تومنیده امنیتی پوسته‌لر اوستیگه هجوم قیلگن، بیراق کمکی کوچلر محلگه باره‌دیگن پیتده، جاده چیککه‌سیده جایلشتیریلگن ماین بیلن دوچ کیلیب نتیجه‌ده ۵ پولیس هلاک و باشقه ۶ پولیس یره‌لنگن.
بوگون “شنبه” ملی مدافعه وزیرلیگی تامانیدن نشر قیلینگن اعلامیهده ایتیلیشیچه، اوشبو عملیاتلر اوتگن کیچه امنیتی کوچلر تامانیدن اویوشتیریلگن و علی‌پور گه تیگیشلی جنگریلردن باشقه ۶ ته‌سی یره‌لنگن.
امنیتی بیر منبع نینگ کیم‌لیگی سیرقالیش‌نی ایسته‌ب سلام‌وطندارگه ایتیشیچه، پولیس خاص قطعه‌سی، کماندو و ملی اوردو کوچلریدن تشکیل تاپگن بیر مینگ‌دن آرتیق حربی بامیان ولایتیده توپلنگن و عبدالغین علی‌پور گه قرشی عملیات اویوشتیریش اوچون بویروغ کوتماقده.
بوگون “شنبه” قندوز ولایتیده امنیتی کوچلر قطاریده شهید بولگنلرنینگ فرزندلری و مکتب اوقووچی‌لر اوروش بیرینچی خطی‌گه باریب امنیتی کوچلرگه گل بیریش بیلن ملی عسکردن حمایت قیلیش ایامی‌دن نشانلگنلر.
بوگون “شنبه” جناب غنی نینگ ملی مدافعه وزیرلیگی‌ده عسکر ملی ایامی‌دن نشانلش اوچون یولگه قوییلگن مراسمده ایتیشیچه، مملکت امنیتی کوچلری، باشقه مملکت‌لرده ۲۰ ییل طی ایتیله‌دیگن یول‌نی اوتگن ۶ ییلده طی قیلگن.
سلام‌وطندار حقیده
مسلکی اصول و نشراتی سیاست
خصوصی محیط سیاستی
بیز بیلن علاقه گه اوتیش
ایش فرصت‌لری
معلومات و سندلرنی یوباریش
بیزلرگه همکارلیک قیلیش شرط‌لری
شکایت
رادیویی برنامه‌لر
فلم و صورت
آر اس اس
خبرنامه گه شرکت قیلیش
