تخار یشاوچی‌لریدن تخاری بوگون اعتراضی بیر ییغین یولگه قوییش بیلن مذکور ولایتده آتیشمه‌لر کوپه‌یگنیدن خواطر بیلدیریب و ایتیش‌لریچه، اوروش شدت‌لنگنی اولرگه ضرر ییتیشتیرگن و شونینگدیک اهالی نینگ حیات وضعیتی نی برهم اورگن.
اعتراضچیلر حکومتدن بو ولایت امنیتی وضعیتی یخشی‌لنیشی اوچون توجه قیلیش‌لرینی سوره‌گن.
بوگون “پنجشنبه” مملکت ناتینچ ولایت‌لریده‌گی بیلیم یورت‌لر اوقووچی‌لریدن بیرقطاری امنیتی وضعیت یمان بولگنی سبب، جمهورلیک ریاستی برابریده ناراضلیک نمایش یولگه قوییب ناتینچ ولایت‌لردن مرکزگه تبدیل ایتیلیش‌لری اوچون زمینه یره‌تیلیشی‌نی سوره‌گنلر.
تخار مرکزی تالقان شهری نینگ یشاوچی‌لری، کمیده بیر آیدن بویان امنیتی کوچلر و طالبان گروهی آره‌سیده جدی آتیشمه‌لرگه گواه دیر. مسوللرنینگ بیاناتی اساسیده، مذکور آتیشمه‌لرده کمیده ۱۲ مینگ عایله آواره بولیب و حاضر تالقان شهری نینگ تعلیمی و تربیتی نهادلریده حیات کیچیرماقده‌لر.
جاری ییل ۱۸- ثور ده بدخشان یشاوچی‌لریدن قطاری ایچیم‌لیک سوو و برق یوقلیگی و ناتینچلیکلر کوپه‌یگنی باعث اعتراض قیلیشدی، بیراق بو اعتراضلر زوروانلیککه تارتیلدی و نتیجه ده ۴ اعتراضچی هلاک و ۴۰ دن آرتیق کیشی ایسه یره‌لندی.
ایکی کون آلدین بدخشان یشاوچی‌لریدن بیرقطاری، ناتینچلیک، ایچیم‌لی سوو و برق یوقلیگی سبب، اعتراض بیلدیرگنلر، بیراق اوشبو اعتراض زوروانلیککه اوزگریب نتیجه‌ده اعتراضچی‌لردن ۳ ته‌سی هلاک و باشقه ۴۳ ته‌سی یره‌لنگن.
اوتگن کون بدخشان ده ایچیم‌لیک سوو، برق و امنیت تأمین‌لنیشی اوچون کینگ بیر ناراضلیک نمایش یولگه قوییلدی، بیراق بو ناراضلیک نمایش زوروانلیککه تارتیلدی. بدخشان حاکمی و پولیس اعتراضچی‌لرنینگ اوستیگه اوق آتگنیدن کیین، بو اعتراض زوروانلیککه تارتیلگن.
بوگون (سه‌شنبه ۱۸- جوزا) بدخشان یشاوچی‌لریدن قطاری ناتینچلیکلر کوپه‌یگنی، سوو ییتکزیش ترماق کیسیلگنی و شورابک برق توغانی آچیلمه‌گنی باعث اعتراض بیلدیریشگن؛ بیراق اعتراضچیلر بدخشان ولایت مقام بناسی برابریده ییتیشگنیدن کیین، امنیتی کوچلر اولرگه توسیق بولیب و اعتراض زوروانلیککه تارتیلگن.
بوگون “دوشنبه” هرات‌ده قراردادی اوقیتووچی‌لردن بیرقطاری حقوق‌لری توللنمه‌گنی سبب، ولایتی کینگش اعضالری و مدنی فعال‌لر حضوری بیلن اعتراضی ییغین یولگه قوییگنلر. اوشبو اوقیتووچی‌لر ایکی هفته دن آلدین اعتصاب قیلگن ایدی‌لر.
اعتراضچیلر ملی مصالحه کینگشی باشلیغی عبدالله عبدالله و اونینگ مصلحتچی‌سی نورمحمد سکندری نینگ صورت‌لرینی اوت‌گه تارتیب ادعا قیلیش‌لریچه، نورمحمد سکندری ۲۲ یاشیده بولگن بیر کیشی‌نی اوتگن کونی شام چاغیده جبل‌السراج تومن بناسی‌ده اوققه توتیب اولدیرگن.
غور یشاوچی‌لری، غور-کابل و غور-هرات قتناو یولی نینگ قربانی‌لرینی حق‌لریدن مدافعه قیلیش اوچون، بو قتناویول نی باغله‌گنلر. اولر ۴ ماده‌لیک بیر قطع‌نامه صادر قیلیش بیلن آگاه‌لنتیریش‌لریچه، بو قتناویول خوفسیزلیگی تأمین‌لنیب و اهالی ایسته‌کلریگه ایریشگونگه قدر، قتناویول نی کیلیب-کیتیش یوزیگه آچمه‌یدیلر.
بوگون ایرته‌لب پکتیا ولایتی کسلخانه داکترلری، اعتراض قیلیب و نیچه ساعت ایشدن قول تارتیشگن. شونینگدیک خوست ولایت داکترلری، دارولش صفتی قویی بولگنی گه قرشی اعتراض بیلدیریش بیلن، مذکور ولایت ساغلیک ریاست ایشیگی نی باغله‌گن.
فاریاب یشاوچی‌لری اینقسه ملی اسلامی جنبش حزبی نینگ طرفدارلری اوشبو ولایت ینگی حاکمی محمدداوود لغمانی‌گه قرشی ۸ کوندن بویان اعتراض قیلیب کیلماقدهلر.
اعتراضچی‌لرنینگ ایتیش‌لریچه، حاضرگه‌قدر ایستکلریگه دقت بولمه‌گن و ایستکلریگه دقت بولمه‌گن صورتده، اعتراض‌لریگه دوام بیره‌دیلر.
ملی اسلامی جنبش حزبی رهبری و جمهورلیک ریاستی نینگ سابق اورین باسری مارشال عبدالرشید دوستم فاریاب اعتراضچی‌لری بیلن تلفون آرقه‌لی صحبت اوتکزیب و اوشبو ولایت ینگی حاکمی محمدداوود لغمانی نینگ پیشانه‌سیگه اوق بیلن اوروش اوچون بویروغ بیرگن.
مارشال دوستم، طرفدارلریدن اختیارلریده بولگن اوروش تجهیزاتلرینی اوزلری بیلن چیقاریب و هرقنده‌ی وضعیتده تیار بولیش‌لرینی سوره‌گن.
شونینگدیک، ملی اسلامی جنبش حزبی رهبری مارشال عبدالرشید دوستم طرفدارلری بیلن تلفون آرقه‌لی صحبت اوتکزیب اعتراض‌لریگه دوام بیریش‌لری اوچون بویروغ بیرگن «سنگرلرینگیزنی قوییب یوبارمنگ! لغمانی بو ولایتده توخته آلمه‌یدی، قاچیب کیته‌دی.»
فاریاب‌ده ملی اسلامی جنبش حزبی ییریک اعضالریدن بیری عبدالجلیل آور نینگ ایتیشیچه، اوشبو ولایتده ینگی حاکم تانیتیلیشی‌گه توسیق بوله‌دیلر و اولر ولایت‌لرنینگ حاکم‌لری اهالی تامانیدن تعیین‌لنیشی خصوصیده مارشال دوستم نینگ فکریدن حمایت بیلدیره‌دیلر.
بوگون “شنبه” سمنگان یشاچی‌لری و ملی اسلامی جنبش حزبی طرفدارلریدن یوزلرچه‌سی اوشبو ولایت مرکزی ایبک شهریده محمدداوود لغمانی نینگ فاریاب ولایتیده حاکم صفتیده تعیین‌لنگنی‌گه قرشی اعتراض بیلدیرگنلر. اولرنینگ ایتیش‌لریچه، شمالی بیرقطار ولایت‌لرینی ناتینچ قیلیش‌گه حکومت‌نی قولی بار.
سلام‌وطندار حقیده
مسلکی اصول و نشراتی سیاست
خصوصی محیط سیاستی
بیز بیلن علاقه گه اوتیش
ایش فرصت‌لری
معلومات و سندلرنی یوباریش
بیزلرگه همکارلیک قیلیش شرط‌لری
شکایت
رادیویی برنامه‌لر
فلم و صورت
آر اس اس
خبرنامه گه شرکت قیلیش
