اروپا مدیترانه زلزله‌نی تیکشیریش مرکزی گه کوره، سه‌شنبه کیچه، ۱ حمل، ۶.۶ درجه ریشترلیک زلزله، افغانستان نینگ تورلی ولایت‌لری و قوشنی بیر قطار مملکت‌لرنی قیمیردتگن.
ساغلیق‌نی سقلش وزیرلیگی نینگ ایتیشیچه، اوتگن کیچه مملکت نینگ سکیزدن آرتیق ولایتیده یوز بیرگن زلزله ده، تورت کیشی هلاک بولیب و باشقه ۷۰ دن آرتیق کیشی یره‌لنگن.
پایتخت کابل یشاوچیلریدن بیرقطاری نینگ ایتیشلریچه، اوتگن کیچه ده‌گی زلزله ده کوپ قورققن‌لر.
بیزلرنینگ فیسبوک صحیفه‌میزگه باش اورینگ!
کابل یشاوچیلریدن حسیب‌الله گه کوره: «اوتگن کیچه زلزله یوز بیردی، اوی دن چیقدیک، اوی بوزیلیب و آستیگه قالیشیدن خواطرده ایدیک.»
شونینگدیک، کابل یشاوچیلریدن باشقه بیری قیس نینگ ایتیشیچه: «زلزله ده برچه عایله اعضالریمیز قورققن ایدیلر، بالم ییغلر ایدی تورکیه حادثه‌سی کبی بولیشیدن تشویش ده ایدیک، یریم کیچه گچه تشقری ده ایدیک.»
ساغلیق‌نی سقلش وزیرلیگی، اوتگن کیچه مملکت نینگ قطار ولایت‌لریده یوز بیرگن زلزله ده، تورت کیشی هلاک بولیب و باشقه ۷۰ کیشی یره‌لنگنینی ایتگن.
ساغلیق‌نی سقلش وزیرلیگی سوزلاوچیسی شرافت زمان‌امر نینگ ایتیشیچه: «اوتگن کیچه ده‌گی زلزله ده ۴ کیشی هلاک بولیب و باشقه ۷۰ کیشی یره‌لنگن. ساغلیق‌نی سقلش وزیرلیگی مسئوللری، مرکز و تومن‌لرده دولتی برچه کسلخانه‌لر و کلینیک‌لر گه، یشاوچیلرنی تیزلیک بیلن دوالش بویروغینی بیرگن.»
شونینگدیک، طبیعی آفت‌لرنی باشقریش ایشلری بوییچه دولت وزیرلیگی مسئوللری نینگ ایتیشلریچه، اوتگن کیچه ده‌گی زلزله ده ۶۳ یشش اوی بوزیلیب و ۶۱ چاروه تلف بولگن.
بیزلرنینگ توییترده هم تعقیب قیلینگ!
مذکور وزیرلیک مسئوللری، خلق‌ارا نهادلردن زلزله طفیلی زیان کورگن‌لر گه انسان پرورلیک یاردم بیریش‌لرینی سوره‌گنلر.
اوشبو وزیرلیک سوزلاوچیسی شفیع‌الله رحیمی گه کوره: «اوتگن کیچه کابل، بدخشان، پکتیکا، تخار، لغمان، خوست و سمنگان ولایت‌لریده یوز بیرگن زلزله ده ۵۰ دن آرتیق کیشی اولیب و یره‌لنگن و ۶۳ یشش اوی بوزیلیب و ۶۱ چاروه تلف بولگن.»
ایتیش کیره‌ک که، اوشبو زلزله ده تاجیکستان، پاکستان و هندوستان نینگ ایریم قسم‌لری قیمیرله‌گن و نتیجه ده اوشبو مملکت‌لرده، ۱۱ کیشی اولیب و باشقه ۱۰۰ کیشی یره‌لنگن.
