۱۴فبروری‌دن دنیا بویلب هر ییلی سیویشگن‌لر کونی (ولنتاین) دن نشانلنه‌دی. افغانستانده هر ییلی اوشبو کون شانلی شکلده نشانلنر ایدی؛ بیراق کابل ده‌گی قطار یاش‌لر نینگ ایتیشلریچه، بو ییل سیویشگن‌لر کونیدن اوتگن ییللر کبی نشانلمه گنلر.
اوتمیش ییل‌لرده کابل شهری گل فروش‌لیک کوچه‌سی و اوشبو شهر نینگ باشقه بیرقطار حدودلری یاش‌لر و قرمز گل‌لر و باشقه ساوغه‌لر گه توله ایدی؛ بیراق بو ییل هیچ بیری کوزگه کوریلمه‌یدی.
کابل یشاوچیلریدن بیری ادریس بی‌نوا، عاشقلر کونی‌ده گاوجیم محل‌لریدن بیری یعنی گل‌فروش‌لیک کوچه گه کیلگن، اونینگ ایتیشیچه، بوییل اوتمیش ییللر گه قره‌گنده ییگیتلر نینگ حضوری بو محل‌ده کم‌رنگ دیر و اولر بو کون نینگ اوتمیش ییللر کبی نشانلش گه علاقه‌لری قالمه‌گن.
اونگه کوره، اسلامی امارت مسئوللری بو ییل اوشبو کوندن نشانلش خصوصیده چیکلاو یره‌تگن و ییگیتلر گه گل و باشقه تحفه‌لر نینگ ساتیلیش ییرلریگه کیتیش اوچون رخصت بیرمه‌یدیلر.
بیزلرنینگ توییترده هم تعقیب قیلینگ!
بی‌نوا نینگ کوپه‌یتیریشچه: «اسلامی امارت نینگ چیکلاو یره‌تگنی اوچون، ییگیتلر کیلمه‌یدیلر؛ کیلسه‌لر هم اولر گه رخصت بیریلمه‌یدی.»
شونینگدیک کابل یشاوچیلریدن باشقه بیری احمد‌رشاد، ییگیتلر نینگ گل و تحفه آلمه‌یشلری خصوصیده ایتیشیچه، اوتمیش ییل‌لرده بو کون نینگ نشانلش اوچون بویوک برنامه‌لر یولگه قویلر ایدی؛ لیکن بوییل عاشقلر کونی‌نی نشانلش اوچون کابل نینگ هیچ بیر ییریده هیچ قنده‌ی بیر برنامه یولگه قوییلمه‌گن.
رشاد نینگ کوپه‌یتیریشیچه، یشاوچیلردن برچه‌سی قیینچیلیک بیلن دوچ کیلگن و مادی و معنوی لحاظ‌دن بو کون نینگ نشانلش اوچون کوچلری یوق.
کابل یشاوچیلری نینگ اورغولشیچه، سیویشگن‌لر کونی بیر نیچه دقیقه‌نی یخشی اوتکزیش و بیر-بیراوی گه تحفه آلیش معنا‌سی دیر و بو کون نینگ نشانلنیشی اوچون هیچ قنده‌ی چیکلاو بولمه‌یشی کیره‌ک.
بوتوغریده اسلامی امارت مسئوللری نینگ فکر و ملاحظه‌لرینی آلیشنی ایسته‌دیک؛ بیراق موفق بولمه‌دیک.
سیویشگن‌لر کونی یا-ده ولنتاین، دنیا‌ده میلیون‌لرچه کیشی تامانیدن نشانلنه‌دی، مسیحی مدنیت گه ریشه‌سی بار؛ لیکن سونگی ییل‌لرده باشقه مملکتلر گه علاوه، شونینگدیک اسلامی مملکتلر اینیقسه افغانستان و ایران‌ده هم بوکون‌‌دن نشانلنه‌دی.
