کابل شهری نینگ ۱۳- ناحیه‌سیده‌گی سیدالشهدا مکتبی برابریده یوزبیرگن ترورچیلیک هجوم دن کیین، اوقیتوچی‌لردن قطاری اوقووچی‌لردن حمایت قیلیش و کابل غربیده‌گی مکتب‌لرنینگ کم‌چیلیک‌لرنی حل قیلیش اوچون، بیر کمپاین یولگه قوییش بیلن مذکور مکتب‌لرگه دواطلبانه شکلده تعلیمات بیریش نی سوره‌شگنلر.
مذکور کمپاین حاضرگچه کینگ شکلده خوش قرشی‌لنگن و دواطلب‌لرنینگ ایتیش‌لریچه، اوقووچی‌لرگه روحیه بیریش و کابل غربیده تعلیمات توغریسیده بولگن کم‌چیلیک‌لرنی حل قیلیش اوچون مذکور کمپاین دن حمایت قیله‌دیلر.
سلام‌وطندار اوزبیکی نی فیسبوککه هم تعقیب قیلینگ!
مذکور کمپاین دواطلب‌لریدن بیری محمد هدایت نینگ ایتیشیچه: «افغانستان ده تعلیم و تربیه‌لنیش پروسه‌سی کوپ قیینچیلیکلر بیلن دوچ کیلگن، بیر ییرده مکتب بولگن صورتده، اوقیتوچی یوق و اوقیتوچی بولگن صورتده درسی ملزمه یوق. شو یوزه‌دن کوپ قیینچیلیکلر بیلن روپه‌رو میز، اینیقسه امنیت نقطه‌ی نظردن. امنیت تأمین‌لنگن صورتده، باشقه قیینچیلیکلر حل بولیشی ممکن.»
مذکور کمپاین نی یولگه قویگن کیشیلر دواطلب‌لرنینگ کینگ شکلده سهم آلیشیدن خورسندلیک بیلدیریب و ایتیش‌لریچه، حاضر افغانستان بوییچه کوپ حمایت قولگه کیلتیرگنلر.
مذکور کمپاین نی یولگه قویگن‌لردن بیری امان فرهمند نینگ ایتیشیچه: «مذکور کمپاین یالغیز بیر قوم ایمس بلکیم بوتون افغانستان نینگ حمایتی نی قولگه کیلتیرگن. بو کمپاین گه سهم آلگن کیشیلر تورلی قوم‌لردن دیر و حاضرگچه ۳۰۰ دن آرتیق کیشی بو توغریده درخواست بیرگن.»
مذکور کمپاین نی یولگه قویگن کیشیلرگه کوره، حاضرگچه مملکت ایچکریسی و تشقری‌سیدن ۳۰۰ دن آرتیق دواطلب تیارگرلیک بیلدیرگن و اوقووچی‌لرگه تعلیمات و قرطاسیه بیریش زمینه‌سی فراهم ایتیلیشی گه یاردم بیریش گه قرار قیلینگن.
