سلام‌وطندار باله‌لر باغچهسیدهگی ۱۴ عیال اوقیتووچی بیلن صحبت قیلگن که اولر ارا، ۱۲ نفری دولت باله‌لر باغچه‌سیده ایشلب و سونگی بیر ییل جریانیده ایشلریدن بوشه‌تیلگنلر. سلام‌وطندار نینگ تیکشیرو نتیجه‌سی‌گه کوره، اوشبو گزارش‌ده صحبت قیلینگن باله‌لر باغچهسیدهگی عیال اوقیتووچیلردن برچه‌سی، حاضر یامان اقتصادی احوال ده حیات کیچیرماقده.
دولت باله‌لر باغچهسیدهگی ایش‌سیز بولگن ۱۲ عیال اوقیتووچی، یامان اقتصادی احوال‌دن شکایت قیلیب و ایش زمینه‌سی یره‌تیلیشی نی ایسته‌یدیلر. کابل ده «ستاره» اسملی دولت باله‌لر باغچهسیدهگی ایش‌سیز بولگن اوقیتووچیلردن بیری زرینا نینگ ایتیشیچه، تورموش اورتاغی مخدره ماده گه چلینگن و او کابل ده کیچیک یاشلی باله‌لری بیلن یالغیز حیات کیچیره‌دی. اونینگ کوپه‌یتیریشیچه، سبب‌سیز شکلده ایشدن بوشه‌تیلیب و حاضر ایسه یامان اقتصادی وضعیت‌ده حیات کیچیرماقده.
بلخ مرکزی دولت باله‌لر باغچهسیدهگی اوقیتووچیلردن صدف و فوزیه، ۲۰ ییل‌دن کوپراق مذکور باله‌لر باغچه‌سیده ایشله‌گنلر و شونینگدیک ایشدن بوشه‌تیلگنلریدن کیین اقتصادی قیینچیلیکلر بیلن روپه‌ره بولگنلریدن صحبت قیله‌دیلر.
صدف نینگ ایتیشیچه: «حاضر تنقیص بولگن‌مین، ایشلمه‌یمن. سببی نی هم بیلمه‌یمن که نیگه، تنقیص بولگن‌مین. هیچ امیدیمیز یوق، اوی گه اولتیرینگ دیدیلر و منفکی‌میز نی قولیمیز گه بیردیلر. حاضر هم ایشلمه‌یمیز. دولت ایسته‌گنی پیتده، بیر امید بار، ایستمه‌گنیده ایسه ایش‌سیز بولیب اویگه قاله‌میز. هر بیریمیز عایله سرپرستی بولیب و باله‌لریمیز بار. بو ایشدن مقصد‌لری نیمه، گناه‌میز نیمه که تنقیص قیلدیلر؟»
شونینگدیک فوزیه نینگ ایتیشیچه: «مرکزی باله‌لر باغچه‌سیده ایشلر ایدیم، نیمه گه منفک بولگنی‌میز نی بیلمه‌دیک. ولایت گه باریب سیسی‌میز نینگ ایشیتیلیشی نی ایسته‌دیک؛ بیراق رخصت بیرمه‌دیلر، هیچ کیم سیسی‌میز نی ایشیتمه‌دی و ایش‌سیز قالدیک. برچه ایشیک یوزیمیز گه یاپیق دیر. هیچ بیر ریاست‌ده بو ایش بولگنی یوق، یالغیز ایش و اجتماعی ایشلر ریاستی‌ده بو ایش بولدی. عایله سرپرستی ایدیم، حاضر حیران قالگن‌مین. هر ییرگه بارسک هم عیاللر نی ایشگه آلمه‌یدیلر.»
بیزلرنینگ «ایکس» ترماغی ده هم تعقیب قیلینگ!
باشقه بیرتاماندن، مذکور اوقیتووچیلر نینگ ایتیشلریچه، حاضرگچه تقاعد قیلیش گه هم ماس تانیلمه‌گنلر و اولر گه باشقه ایشله‌ی آلمه‌یسیزلر دییلیب و اویگه قالگنلر.
بلخ ده دولت باله‌لر باغچهسیدهگی اوقیتووچیلردن شکریه نینگ ایتیشیچه: «قریب آلتی‌دن بیری اوی‌ده‌میز، آیلیگیمیز یوق و کیله‌جگی‌میز بیللی ایمس. حداقل شونچه ییل ایشلگنی‌میز اوچون تقاعد آلیش ایسته‌دیک، بیراق بیرمه‌دیلر.»
مذکور گزارش‌ده صحبت قیلینگن اوقیتووچیلر نینگ کوپه‌یتیریشلریچه، حکومت نیچه آی معاشلری نی هم تولمه‌گن. اولرگه کوره، حکومت معاشلری نی منفک بولمس‌لریدن نیچه آی آلدین تولمه‌گن.
بلخ ده دولت باله‌لر باغچهسیدهگی ایش‌سیز بولگن اوقیتووچیلردن بیری رنا نینگ ایتیشیچه: «درس و تعلیم آلدیک که خذمت قیله‌یلیک دیب؛ بیراق حاضر ایسه اویگه قالگن‌میز. حتا بیر آی معاشی‌میز هم دولت بوینیگه قالگن. هیچ نرسه بیزلر گه بیرمه‌دیلر. روحی قیین‌چیلیککه چلیندیک.»
بولر گه علاوه، ایش و اجتماعی ایشلر وزیرلیگی سوزلاوچیسی سمیع‌الله ابراهیمی، دولت باله‌لر باغچه‌سیدن عیال اوقیتووچیلردن قطاری نینگ ایشدن بوشه‌تیلگنی نی تصدیق‌لب ایتیشیچه، مذکور وزیرلیک ایشدن بوشه‌تیلگن عیال‌لردن قطاری گه ایش زمینه‌سی نی یره‌تگن؛ بیراق سلام‌وطندار بیلن صحبت قیلگن اوقیتووچیلر بو توغریده خبر‌سیزلیکلرینی بیلدیرگنلر.
سونگی سیاسی اوزگریشلر و دولت و نادولتی اداره‌لرده عیاللر ایشی تقیق‌لنگنیدن کیین، دولت و نادولتی باله‌لر باغچه‌سیده اوقیتووچیلر سانی سیزیلرلی درجه‌ده کمه‌یگنی بیرحالده، دولت باله‌لر باغچهسیدهگی ایشدن بوشه‌تیلگن عیال اوقیتووچیلر یامان اقتصادی احوال‌لریدن شکایت قیله‌دیلر.
شخصی پولی بیلن خصوصی باله‌لر باغچه‌سینی توزه‌تیب و حاضر باله‌لر باغچه‌سی نینگ فعالیتی توخته‌گن نبیله نینگ ایتیشیچه، باله‌لر باغچه‌سی نینگ تأمین‌لش گه امکانیتی یوق. باله‌لر باغچهلریده اوقیتووچیلیک قیلیش خصوصیده تجربه‌سی بولیب و حاضر ایش‌سیز بولگن نبیله، یامان اقتصادی وضعیت‌دن شکایت قیله‌دی.
شونینگدیک کابل ده خصوصی باله‌لر باغچهسیدهگی اوقیتووچیلردن تمنا هم یامان اقتصادی قیین‌چیلیکلردن شکایت قیلیب ایتیشیچه، معاشی جوده‌یم آز دیر و عایله‌سی نینگ احتیاجلری نی تأمین‌لش اوچون ییترلی ایمس.
بیزلرنینگ فیسبوک صحیفه‌میزگه باش اورینگ!
عیال حقوقی فعال‌لریدن قطاری باله‌لر باغچهسیدهگی عیال اوقیتووچیلر وضعیتی نی خواطرلنتیرووچی دیب ایتیشلریچه، عیال اوقیتووچیلر افغانستان ده زیان کوره‌دیگن بیر قشر بولیب و دایم کوریلمسلیککه اوریله‌دیلر.
عیال حقوقی فعالی حمیرا فرهنگ‌یار نینگ ایتیشیچه: «قیغو بیلن افغانستان ده اقتصادی قیین‌چیلیک اوچون برچه کیشی قشاق‌لیکدن زیان کوره‌دی و شونینگدیک اوقیتووچیلر هم زیان کورگنلر. بیر جمعیت نینگ اساسی نی اوقیتووچیلر توزه‌ته‌دی. اوقیتووچیلر دایم آز آیلیک بیلن ایشله‌یدیلر و آیلیک‌لری آز دیر. بیر اوقیتووچی اقتصادی نقطه نظردن آرام بولمسه، قنده‌ی اولکه نینگ باله‌لری گه درس بیرسین.»
شونینگدیک عیال اوقیتووچیلردن باشقه بیری نسرین حمیدی نینگ ایتیشیچه: «حقیقتا اوقیتووچیلر وضعیتی خواطرلنتیرووچی دیر؛ چونکه سکیز-توقیز مینگ افغانی معاشی بار و مینگ رقم قیین‌چیلیک. ساعتلرچه بانک‌لر گه باریب و معاش آلیش نی کوتیب توره‌دیلر و معاشلری کیچ یوباریله‌دی، بیراق ینه هم اوشه معاش بیلن آیلیک نیازلری نینگ حل قیلیش خصوصیده خورسند‌لر.»
عین حالده، اسلام امیرلیگی سرپرست حکومت سوزلاوچیسی ذبیح‌الله مجاهد، مکتب‌لر و باله‌لر باغچه‌لریده‌گی اوقیتووچیلر قیین‌چیلیکلری حل بولیشی اوچون بوله‌دیگن سعی و حرکت‌‌دن خبر بیریب و تیزلیککه بو قیینچیلیکلر نینگ حل بولینیشی خصوصیده سوز بیرگن.
اونینگ کوپه‌یتیریشیچه: «یالغیز اوقیتووچیلر نینگ قیینچیلیگی ایمس، بلکیم برچه نینگ قیینچیلیگی دیر. وضعیت نینگ یخشی بولیشی و اوقیتووچیلر آیلیگی کوپه‌یشی خصوصیده امیدیمیز بار. تقاعد قیلگن اوقیتووچیلر که تقاعد گه نیازلری بار، ان‌شاء‌الله اولر نینگ قیینچیلیگی هم بیراز حل بوله‌دی.»
ایتیش کیره‌ک که، عیاللر نینگ ایش و تعلیمی خصوصیده چیکلاو‌لر یره‌تیلگنیدن کیین، تعلیمی بولیم شامل عیاللر اوچون فعال بولیم‌لر هم تاثیرلنگن.
