بغلان ولایتی دوشی تومنی نینگ اتمان‌خیل قیشلاغی یشاوچیلری، بغلان-قندوز دریاسی اوستیده موتر اوته‌دیگن بیر کوپریک نینگ ایشی نی شخصی هزینه بیلن باشله‌گنلر.
مذکور قیشلاغ بویوکلری نینگ ایتیش‌لریچه، اوشبو کوپریک، ۴.۵ میلیون خرجت کوترگن که مذکور قیشلاق نینگ چیت ایل و مملکتده‌گی ییگیت‌لری تامانیدن توللنگن.
اتمان‌خیل قیشلاغ بویوکلریدن بیری میا‌خیل نینگ سلام‌وطندار گه ایتیشیچه، بوندن آلدین مذکور قیشلاق یشاوچیلری کوپینچه قیین‌چیلیک بیلن روپه‌رو ایکنلر و ساعت‌لر پیاده یورماقدن کیین، اوزلری نی شهر گه ییتیشتیرر ایدیلر.
بیزلرنینگ فیسبوک صحیفه‌میزگه باش اورینگ!
اوشبو قیشلاق بویوکلریدن باشقه بیری عمراخان نینگ ایتیشیچه، بو کوپریک نینگ توزه‌تیش بیلن، دریا نینگ ایکی تامانیده‌گی ۵۰۰۰دن آرتیق عایله نینگ قیین‌چیلیگی حل بولیشی ممکن.
شونده‌ی بیرحالده، مذکور قیشلاق ایکینچیلری نینگ اورغولشیچه، اوشبو کوپریک نینگ ایشی تکمیل بولگنیدن کیین، محصوللری نی آز بیر زمان‌ده آز بیر بها بیلن شهر مرکزی گه انتقال بیره آله‌دیلر.
بغلان حاکمی قاری بختیار معاذ و اوشبو ولایت محلی مسئوللری اوشبو کوپریک نینگ توزه‌تیش ایشی افتتاحیه‌سیده، بو قیشلاق یشاوچیلری نینگ اقدامی‌دن خورسند‌لیک بیلدیرگن. بغلان حاکمی یشاوچیلر گه هر قنده‌ی همکارلیک خصوصیده سوز بیریب و ایتیشیچه، حکومت اولر نینگ اقداملریدن حمایت قیلیب و شونینگدیک اولرنینگ باشقه قیین‌چیلیکلری نی حل قیله‌دی.
بیزلرنینگ توییترده هم تعقیب قیلینگ!
شونینگدیک بغلان معلومات و مدنیت ریاست رئیسی مصطفی هاشمی، یشاوچیلر نینگ بو اقدامی‌نی خوش قرشی‌لب کوپه‌یتیریشیچه، حکومت یانیده اهالی نقشی مملکت ترقیاتی اوچون کوپ فایده‌لی دیر. او، بغلان نینگ باشقه یشاوچیلریدن اتمان‌خیل یشاوچیلری کبی قیین‌چیلیکلری نی حل قیلیش اوچون اقدام قیلیشلرینی سوره‌گن و شونینگدیک دولت نینگ اولردن حمایت قیلیشی ممکن.
