پکتیکا و خوست ده اوتگن چهارشنبه کونی یوز بیرگن زلزله نتیجه‌سیده، مینگلرچه کیشی اولیب و مینگ‌دن آرتیق کیشی ایسه یره‌لنگن.
شونینگدیک مذکور زلزله نتیجه‌سیده، اوی‌لری تخریب بولگن کیشی‌لر، حاضرگچه کوپینچه قیین‌چیلیک بیلن روپه‌ره‌لر.
شونده‌ی بیرحالده پکتیکا ده زلزله عاقبتیده زیان کورگن کیشی‌لر آره‌سیده اسهال، ملاریا و بیر قطار کسللیکلر نینگ کوپه‌یگنی خواطرلنتیرووچی دیر.
بیزلرنینگ فیسبوک صحیفه‌میزگه باش اورینگ!
ساغلیق مسئوللری کسللیکلر نینگ بارلیگی و اهالی وضعیتی خصوصیده‌گی قیینچیلیکلر نینگ حل بولمه‌گنی صورت‌ده، اوشبو کسللیکلر نینگ کوپه‌یشی نی قبول قیلیب و اوشبو قیین‌چیلیک خصوصیده سعی و حرکت قیلیشی نی بیلدیرگن.
شونده‌ی بیرحالده، مسئوللر پکتیکا ده‌گی زلزله عاقبتیده زیان کورگنلر خصوصیده خواطر بیلدیریب و اورغولشیچه، یاردم ییتیشمه‌گن صورت‌ده، اهالی اینیقسه باله‌لر، عیال‌لر و کیکسه‌لر نینگ سووق موسومده امکانیت کم‌لیگی باعث، زیان کوریشلری ممکن.
اولر گه کوره، زلزله‌ده زیان کورگنلر یامان بیر وضعیت‌ده حیات کیچیره‌دیلر و اوی‌لری زلزله عاقبتیده مکمل شکلده اورتهدن کیتگن و کوپینچه قیین‌چیلیک بیلن روپه‌ره‌لر.
ساغلیق نی سقلش وزیرلیگی سرپرستی قلندر عباد نینگ ایتیشیچه: «بیر قطار اوی‌لر نینگ دیوارلر مکمل شکلده اورتهدن کیتگن و اوشبو اوی‌لرده حیات کیچیریلمه‌یدی، چونکه هر دقیقه ییقیلیشی ممکن. انه شوو سبب، اوشبو اوی‌لرده حیات کیچیریلمه‌یدی.»
بیزلرنینگ توییترده هم تعقیب قیلینگ!
شونده‌ی بیرحالده، دنیا ساغلیق تشکیلاتی بوندن آلدین زلزله یوز بیرگن منطقه‌لرده‌گی کسل‌لر وضعیتی خصوصیده خواطر بیلدیرگن.
اوشبو تشکیلا‌ت نینگ معلوماتی اساسیده، کسل‌لر گه یاردم بیریش و اوشبو قیینچیلیکلر نینگ حل قیلیش اوچون ساغلیک تیم‌لر نینگ سعی و حرکتی دوام قیلماقده.
