فراه محلی مسئوللری، اوشبو ولایتده یوز بیرگن سوو تاشقینی جانی تلفات آلگنینی بیلدیردیلر.
فراه طبیعی آفتلر گه قرشی کورهش باشلیغی محمداسرائیل سیار گه کوره، 8-جدی/29-دسمبر، دوشنبه کیچه اوشبو ولایتنینگ بکواه و خاکسفید تومنلریده سوو تاشقینی عاقبتیده بیر کیشی هلاک بولیب و تورت کیشی یرهلنگن.
فراه طبیعی آفتلر گه قرشی کورهش باشلیغی، طبیعی آفتلرنی باشقریش اوچون بوتونلی تیارگرلیک کوریلگنیدن ایشانچ بیلدیریب و بو ریاست بیر مینگ 500 عایله اوچون آزیق-آوقت، خیمه و کمپل تیار قیلگنینی قوشیمچه قیلگن.
اوشبو سوو تاشقینلریده، یوقاریده ایسلنگن قیشلاقلرنینگ بیرقطار اهالیسی بند قالگن و اولرنینگ قوتقریش اوچون سعی-حرکت قیلینماقدهلیگی ایتیلگن.
