۱۴۰۲-ییل نینگ باشلنگنی‌دن حاضرگچه، افغانستان نینگ تورلی بولیم‌لریده یامغیرلر و سوو تاشقین‌لر یوز بیریب و اهالی گه کوپینچه جانی و مالی زیان ییتیشتیرگن.
طبیعی آفت‌لرنی باشقریش بوییچه دولت وزیرلیگی نینگ معلوماتی اساسیده، ۱۴۰۲-ییل نینگ باشلنگنی‌دن حاضرگچه، طبیعی واقعه‌لر نتیجه‌سیده ۱۱ کیشی اولیب و شونینگدیک ۷۴ کیشی ایسه یره‌لنگن.
بیزلرنینگ فیسبوک صحیفه‌میزگه باش اورینگ!
شونده‌ی بیرحالده، طبیعی آفت‌لرنی باشقریش بوییچه دولت وزیرلیگی سوزلاوچیسی شفیع‌الله رحیمی نینگ ایتیشیچه، مملکت نینگ تورلی ولایت‌لریده یوز بیرگن مذکور یامغیرلر و سوو تاشقین‌لر سبب، بیر مینگ و ۷۷۹ یشش اوی تخریب بولگن.
اونینگ کوپه‌یتیریشیچه: « طبیعی حادثه‌لردن زیان کورگن کیشی‌لر گه آز بیر مدت‌ده یاردم بیریش اوچون سعی و حرکت قیله‌میز. بودجه‌میز بعضی وقت اظطراری بوله‌دی، تخریب و خساره‌لر بوله‌دی و کیین ایسه تثبیت بولیب و بیزلر گه بودجه تعین بوله‌دی.»
پروان یشاوچیلریدن بیری احمد، سونگی کون‌لرده پروان ده یوز بیرگن سوو تاشقین سبب، اویی تخریب بولگن.
اونینگ ایتیشیچه: «دولت سوو تاشقینی یوز بیره‌دیگن ییرلر نی بیللی قیلیب و مذکور یول‌لر نی کنترول قیلیشی کیره‌ک و شونینگدیک سوو تاشقینی اهالی گه زیان ییتیشمه‌یدیگن ییر گه یوباریلیشی کیره‌ک.»
طبیعی واقعه‌لردن زیان کورگن یشاوچیلر، تخریب‌لر کمه‌یشی و اولر گه یاردم بیریلیشی خصوصیده حکومت نینگ توجه‌سیزلیگی‌دن شکایت قیله‌دیلر.
سوو تاشقینی‌دن زیان کورگن سرپل یشاوچیسی روح‌الله غفوری نینگ ایتیشیچه: «ییرلری‌میز گه سوو تاشقینی زیان یییتشتیردی و بیر باغی‌میز نی هم تخریب قیلیدی. بو توغریده عمل گه آشیریله‌دیگن پروژه‌لر هم اهالی فایده‌سی گه ایمس و هیچ تاثیری یوق. کیله‌جک‌ده یوز بیره‌دیگن سوو تاشقین‌لر خصوصیده کوپ خواطرده‌میز.»
بیزلرنینگ توییترده هم تعقیب قیلینگ!
شونینگدیک جوزجان ولایتی درزاب تومنی یشاوچیسی ضیاءالدین سرفراز نینگ ایتیشیچه: «واقعا اهالی کوپ قیین بیر وضعیت‌ده قرار تاپگن، بیز مردم دایم عذاب‌ده ایدیک. توجه صورت تاپمه‌گنی تقدیرده بو وضعیت‌دن هم کوپراق قیین‌چیلیک‌ده قالیشی‌میز ممکن، چونکه هر ییل سوو تاشقینی یوز بیره‌دی. اهالی نینگ اویی و ییرلری خراب بولگن و بو وضعیت هر ییل تکرار بوله‌دی.»
ایتیش کیره‌ک که، اوتگن ییل هم افغانستان ده یوز بیرگن طبیعی واقعه‌لر سبب، اونلب کیشی اولیب و یره‌لنگن و شونینگدیک اهالی گه ایکی میلیارد دالر‌دن آرتیق خساره ییتیشتیرگن.
