سلام‌وطندار نینگ دولت تورلی اداره‌لری ۵۸ عیال خادمی بیلن اۉتکزگن صحبتی اساسیده، سرپرست حکومت رهبری نینگ عیاللر معاشی کمه‌یشی سۉنگی فرمانی گه دایر بو گزارش ده صحبت اۉتکزگن ۵۰ فایز عیاللر، دستلبکی امکانیت‌لرینی تأمینله‌ی آلمسلیک‌لرینی اېتگنلر.
سلام‌وطندار مملکت نینگ ۱۲ ولایتیده دولت تورلی اداره‌لری نینگ ۵۸ عیال خادمی بیلن صحبت اۉتکزگن، اولر بو طرح عملگه آشیریلگن حالده اقتصادی قیینچیلیک بیلن دوچ بولیش‌لرینی اېتگنلر. اوشبو عیاللر نینگ ۲۴ نفری حتا عایله اعضالری آچ‌لیک خوفی بیلن دوچ بولیشیدن خواطر بیلدیرگن.
سلام‌وطندار بیلن صحبت اۉتکزگن عیاللردن ۹ نفری جوزجان دن، بیش نفری کابل دن، بیش نفری ننگرهار دن، بیش نفری تخار دن، بیش نفری بادغیس دن، بیش نفری فراه دن، بیش نفری بدخشان دن، بیش نفری سرپل دن، تورت نفری کاپیسا دن، تورت نفری فاریاب دن، اوچ نفری قندوز دن و باشقه اوچ نفری بامیان دن دیر.
اوشبو گزارش ده صحبت اۉتکزگن عیاللر نینگ ۲۹ نفری اوقیتووچی، ۱۱ نفری ساغلیق مرکزلر خادمی، تورت نفری معارف خادمی، ایکّی نفری ایش و اجتماعی ایشلر وزیرلیگی خادمی، ایکّی نفری خاتین قیزلر ایشلری بوییچه ریاست خادمی، و بیر-بیر نفری تشقی ایشلر، قاچقینلر، ایچکی ایشلر وزیرلیک‌لری همده بلدیه ریاستی خادملری تشکیل بیره‌دی.
اولر ارا آلتی نفری، گزارش ده ایشله‌یدیگن اداره‌لری نینگ آتی توتیلمسلیگینی اېسته‌گن.
بیزلرنینگ فیسبوک صحیفه‌میزگه باش اورینگ!
کابل ده ساغلیق مرکز خادمی و عایله سرپرستی نظیفه ممتاز نینگ ایتیشیچه: «ایریم کسل و یاتگن و عایله نینگ مین سرپرست‌لیک قیلماقده من. معاش ۵۰۰۰ افغانی بولگن دیب مکتوب کېلگنیدن چمه‌سی بیر آی دن کوپ بولماقده، ایشانینگ اعصاب قیینچیلیگی تاپیلگن حتا دارو اوچون پول یوق و اوی اجاره‌سی توللـه‌ی من.»
بدخشان ولایتیده دولت مکتب‌لریدن بیریده اوقیتووچی و عایله سرپرستی پروانه گه کوره: «بو ۵۰۰۰ افغانی بیلن نیمه ایش قیلیشنی اصلا بیلمه‌ی من، باشقه درآمدیمیز یوق و عایله سرپرست‌لیگینی قیله‌من باله‌لریم تعلیم و درس بیلن مصروف دیر. یگانه خواطریمیز عایله نینگ احتیاج‌لرینی تأمینلش دیر و حاضر بو ۵۰۰۰ افغانی بیلن بیر آی‌لیک احتیاج‌لریمیزنی قنده‌ی تأمینلشنی بیلمه‌ی من و سلبی تأثیر قویگن.»
شونینگدیک، فراه ولایتیده ایش و اجتماعی ایشلر اداره خادمی و عایله سرپرستی سعیده نینگ کوپه‌یتیریشیچه: «عایله ده ییتّی کیشی‌میز و عایله سرپرستی هم اۉزیم. ۵۰۰۰ معاش بیلن قیینچیلیکّه دوچ بوله‌من بو یېترلی اېمس، بو پول بیلن اوی اجاره‌سینی توللـه‌ی می، دارو آله‌ی می یا ده آزیق-آوقت‌لریمیزنی تأمینله‌ی می.»
بیزلرنینگ «ایکس» ترماغی ده هم تعقیب قیلینگ!
بدخشان ولایتی بلدیه ریاستی نینگ یشش محیط ایشلری بوییچه خادمی شکیبا گه کوره: «بوتوغریده مکتوب کېلگن بولسه خواطرلی دیر. چونکه ییتّی یریم مینگ یېتمس اېدی. معاش ۵۰۰۰ بولگن بولسه اقتصادی قیینچیلیک بیلن دوچ بوله‌من و بو ۵۰۰۰ افغانی بیلن احتیاج‌لریمیزنی تأمینله‌ی آلمه‌یمیز.»
بادغیس ده ساغلیق بولیم خادمی سمیه، عیاللر نینگ معاشی ۵۰۰۰ افغانی بولیشی گه بونده‌ی فکر-ملاحظه بیلدیره‌دی: «ییتّی ییل طب اوقیدیم معاش ۵۰۰۰ افغانی بولسه کتّه ظلم دیر و بو ییرده باشقه ایشلش کېره‌ک اېمس. حاضر ۳۰ مینگ معاش آله‌من، عایله ده سکیز کیشی‌میز و بو ۵۰۰۰ افغانی بیلن عایله خره‌جتینی تأمینله‌ی آلمه‌ی من. عایله اقتصادی گه یاردم بیریش و بو ییر گه اېریشیش اوچون کوپ تلاش قیلگن من.»
قندوز ولایتیده اوقیتووچیلیک بولیمیده ایشلب کېله‌یاتگن روینا رجبی، اسلام امیرلیگی لیدرلری نینگ بویروغی بیلن عیاللر نینگ معاشی ۵۰۰۰ افغانی بولیشی خصوصیده ایتیشیچه: «افسوس بیلن، عیاللر نینگ معاشی ۵۰۰۰ افغانی بولیشی گه دایر لایحه ترقه‌لیشی بیلن تشویش گه قالدیم، ۱۲ کیشی‌لیک عایله نینگ احتیاجینی بو ۵۰۰۰ افغانی بیلن قنده‌ی تأمینلشنی اویله‌ی من، اوی اجاره‌سی، برق پولینی قنده‌ی قیلیب توللـه‌ی من خواطرلی دیر.»
عیال حقوقی فعالی فروزان داوودزی، عیال خادملری نینگ معاش‌لری کمه‌یش طرحی عملگه آشیریلیشیدن خواطر بیلدیریب ایتیشیچه، بو طرح عملگه آشیریلگن حالده، کوپینچه عیاللر قینچیلیک بیلن دوچ بولیش‌لری ممکن. او اسلام امیرلیگیدن عیال خادملری نینگ آی‌لیگی کمه‌یشی گه دایر قرارلرینی قیته کوریب چیقیشینی اېسته‌یدی. اونگه کوره: «افغانستان بوتون عیاللری اینیقسه عایله‌لری نینگ سرپرستی بولگن عیاللر اوچون کتّه بیر قیینچیلیک دیر؛ چونکه ۵۰۰۰ افغانی آز و عایله سرپرستی بولگن عیاللر بو مقدار پول بیلن قنده‌ی احتیاج‌لرینی تأمینلش‌لری ممکن.»
اقتصادی ایش بیلرمان آمنه هاشمی نینگ ایتیشیچه، عیال خادملری نینگ آی‌لیگی کمه‌یگن حالده، کمبغل‌لر سانی کوپه‌یشی و عایله‌لر اقتصادی قیینچیلیک بیلن دوچ بولیش‌لری گه سبب بولیشی ممکن. اونینگ کوپه‌یتیریشیچه: «عیاللر نینگ آی‌لیگی کمه‌یش طرحی عملگه آشیریلگن حالده، کمبغل‌لر سانی کوپه‌یب و اقتصادی قیینچیلیک بیلن دوچ بوله‌دی؛ افغانستانده آچ‌لیک انقراضی بیلن دوچ بولگنلر سانی آشه‌دی. دولت اولر نینگ آی‌لیگینی کمه‌یتیریش اۉرنیده نیمه بدیل نظر گه آله‌دی.»
جمهوریت توزومی قوله‌گچ، اسلام امیرلیگی عیاللردن کیېنگی امرگچه وظیفه گه بارمه‌ی و آیلیکلری سرپرست حکومت تامانیدن توللنیشیدن ایشانچ بیرگن بیرحالده، اوشبو عیاللر آیلیکلری کمه‌یشیدن خواطر بیلدیرماقده‌لر.
