ناگرانلردن بیرقطاری آیلیکلری توللنمسلیگیدن شکایت قیلیب ایتیشلریچه، اوشبو کیچه_کوندوز ده نه ییگولیک مادهلری بار و نه هم یشش اویلرینی ایسیتیش اوچون یاقیلغی مادهلری.
سلاموطندار رادیوسی نینگ «گپی از شما» دستوری گه تماس آلگن ناگرانلردن بیرقطاری، آیلیکلری توللنمسلیگیدن شکایت قیلهدیلر.
میدانوردک یشاوچیسی بوستان علی، ایچکی اوروشلرده ایکی کوزینی قولدن بیرگن و تورت کیشیلیک عایله سرپرستی دیر، نیچه آی دن بویان حقوقی توللنمسلیگی دن شکایت قیلهدی.
بیزلرنینگ فیسبوک صحیفهمیزگه باش اورینگ!
اونگه کوره: «ناگران و ایشسیز بولسم، حیات قندهی کیچیشنی اویلنگ، تیلنچیلر کبی حیات کیچیرماقدهمیز، بوندهی حیات دن کوره اولیم یخشی»
ایچکی اوروشلرده بیر ایاغینی قولدن بیرگن کاپیسالیک زلگی گه کوره، شهیدلر و ناگرانلر وزیرلیگی تامانیدن آیلیگی توللنمسلیگی باعث، هر کونی سکیز کیشیلیک عایلهسی اوچون یالغیز تورت دانه نان تیارلش گه قادر.
اونینگ ایتیشیچه: «سکیز کیشیلیک عایله گه یالغیز تورت دانه نان تیارلش گه قارد من، اجاره اوی ده یشهیمیز یشش اوینی ایسیتیش اوچون یاقیلغی مادهمیز یوق، کمبغل و بیچارهمیز.»
شونینگدیک، ناگرانلردن باشقه بیری ذبیحالله نینگ ایتیشیچه: «ناگرانلر نینگ آیلیگی توللنمهگن و کوپ قیینچیلیک بیلن روپهرهمیز و معاشلریمیز قچان توللنیشنی کوتماقدهمیز.»
شهیدلر و ناگرانلر وزیرلیگی مسئوللری نینگ ایتیشلریچه، بیرقطار ناگرانلر نینگ آیلیگی توللنگن و ۲۰ فایزی نینگ آیلیگی قالگن، قویاش اوشبو ییل یکونیگچه توللنهدی.
بیزلرنینگ توییترده هم تعقیب قیلینگ!
مذکور وزیرلیک سوزلاوچیسی فیصل خاموش گه کوره: «مالیه وزیرلیگی تامانیدن شهیدلر و ناگرانلر وزیرلیگی گه ایکی میلیارد افغانی اختصاص بیریلگن، ولایتلر نینگ احتیاجلری گه قرهب توزیع قیلینیشی نظرگه آلینیب و کیین ایسه توزیعسی باشلنهدی. قالگن ناگرانلر نینگ آیلیگی ییل یکونیگچه توللـهنیلهدی.»
ایتیش کیرهک که، بوندن آلدین بیرلشگن ملتلر تشکیلاتی نینگ انسان پرورلیک یاردملرینی هماهنگ قیلووچی دفتری (اوچا)، افغانستان جمعیتی نینگ ۱۵ فایزی ناگران دیر و انسان پرولیک یاردملر گه نیازمندلیگینی معلوم قیلگن ایدی.