پاکستان تشقی ایشلر وزیری شاه‌محمود قریشی، بوگون بیرلشگن ملت‌لر تشکیلاتی نینگ بشر حقوقی عالی کمیشنری میشل باشله بیلن اوچره‌شب ملاقات قیلگن.
پاکستان تشقی ایشلر وزیرلیگی بیر اعلامیه ترقه‌تیب ایتیشیچه، اسلام‌آباد ده بولیب اوتگن اوشبو اوچره‌شووده، افغانستان و کشمیر وضعیتی بحث گه آلینگن.
بیزلرنینگ فیسبوک صحیفه‌میزگه باش اورینگ!
قریشی اوشبو اوچره‌شووده ایتیشیچه، افغانستان فقرالری اقتصادی و انسان پرورلیک بحران‌نی آلدینی آلیش اوچون، خلق‌ارا جدی یاردم‌لر گه محتاج‌لر.
اعلامیه‌ده کیلیشیچه، دنیا جماعه‌چیلیگی نینگ اسلامی امارت‌دن بشر حقوقی گه حرمت قیلیش طلب‌لری گه اشاره قیلیب ایتیشیچه، افغانستان نینگ حاضرگی حاکم‌لری بو توغریده جدی بولیش‌لری کیره‌ک.
پاکستان تشقی ایشلر وزیری نینگ تأکیدلشیچه، دنیا همجمعیت افغانستان خلقی گه اقتصادی و انسان پرورلیک یاردم بیریش وعده‌لری گه عمل قیلیشی کیره‌ک.
بیزلرنینگ توییترده هم تعقیب قیلینگ!
اوشبو بیانات‌لر عین‌حالده آچیقلنماقده که افغانستان اسلامی امارت حاکمیت گه ایریشگنیدن کیین، افغانستان بویلب اقتصادی بحران کونسه‌یین آغیرلشماقده و خلق‌ارا قیزیل خاچ کمیته‌سی نینگ گزارشی اساسیده، اوتگن ییل گه نسبتن محتاج‌لر سانی ۳۰ فایز کوپه‌یگن دیر.
