بیرلشگن ملتلر تشکیلاتی نینگ یاردم بیرووچی نهادلر و نا دولتی تشکیلاتلر نمایندهلریدن تشکیل تاپگن بیر هیأت، ۵ کونلیک بیر مأموریتده افغانستان نینگ بشری وضعیتینی تیکشیرگن. مذکور هیأت نینگ اعلام قیلیشیچه افغانستان بویلب انسان پرورلیک یاردملرگه نیازمندلر سانی مثل سیز دیر.
یاردم بیرووچی نمایندهلر هیأتی، بیر بیانیهده که بوگون بیرلشگن ملتلر تشکیلاتی نینگ انسان پرورلیک یاردملرنی هماهنگ قیلووچی دفتری یا اوچا تامانیدن ترقهتیلگن ایتیشیچه، افغانستان بویلب ۲۴ میلیون کیشی که اوشبو مملکت نینگ ۵۹ فایز یشاوچیلرینی تشکیل بیرهدی قوتقریش یاردملر گه محتاجلر که میلادی اوتگن ییلی (۲۰۲۱) گه نسبتن ۳۰ کوپ دیر.
کابلده انسان پرورلیک پروژهلردن نظارت قیلووچی مذکور هیأت اوروش، طبیعی آفتلر جملهدن قورغاقچیلیک و باشقه سونگی آلتی آی بحران طفیلی آواره بولگنلر بیلن صحبت قیلگن.
بیزلرنینگ فیسبوک صحیفهمیزگه باش اورینگ!
بیانیهده کیلیشیچه، ۴ ییل ایچیده کیتمه-کیت قورغاقچیلیک ییگولیک آزیق-آوقت و سو تنقیصلیگی خطرینی آشیرگن. ققشتغیچ اوروشلرده آواره بولگن عایلهلر که اویلری گه قیتیشنی ایستهیدیلر یاردم گه محتاج لر.
بیانیهدن نقل قیلینیشیچه، معیشت اقتصادی بحران باعث زیان کورگن. مردم نینگ محدود ذخیرهلری صرفلنگن و اکثر کیشیلرنی تیریک قالیش اوچون سلبی ایشلر اینیقسه تورموش قوریش و بالهلر نینگ ایشلتیریش که مجبور قیلگن.
اوشبو هیأت باشلغی رینا گیالنی گه کوره: « مأموریتیمیز جریانیده افغانلر نینگ درد و عذابی و اولر نینگ تیز یاردم گه محتاج ایکن لیکلرینی کوردیک، یاردم بیروچیلر بوتونلی انسان پرورلیک یاردملرینی افغانستان خلقی گه قید سیز روشده ترقهتیش گه متعهد ایکنلیکلری هم انیقلندی.»
یاردم بیرووچی جمغرمهلر نینگ ایتیشلریچه، ۲۰۲۲- ییلده افغانستان ده بیرلشگن ملتلر تشکیلاتی تامانیدن انسان پرورلیککه جواب قیتیریش ریجه یولگه قوییلگن که حاضرگچه بیر مملکت اوچون کوزلنگن اینگ بویوک انسان پرورلیک تکلیف دیر.
بیزلرنینگ توییترده هم تعقیب قیلینگ!
اولر نینگ ایتیشلریچه، خلقارا تشکیلات افغانستاندهگی ۲۲ میلیوندن آرتیق کیشیگه تیز انسان پرورلیک یاردملر ترقهتیلیشی مقصدیده ۴.۴۴ میلیارد دالر سورهگن، توللنگن تقدیرده، یاردم بیرووچی تشکیلاتلر فعالیتلری گه دوام بیره آلهدیلر.
بوندن آلدین یاردم بیرووچی نهادلر، افغانستان نینگ اقتصادی قوللشی و اوشبو مملکت بویلب آچلیک انقراضی کوچهیشیدن آگاه لنتیرگن ایدیلر. گزارشلر اساسیده، حاضرگی کونده افغانستان نینگ ۹۰ فایز اهالیسی قشاق و کمبغل و مذکور مملکت نینگ یریمیدن آرتیق جمعیتی آچلیک بیلن روپهرو دیر.