اسلامی امارت سابق عضوی و افغانستان راه نجات عالی کینگش باشلیغی سیداکبر آغا نینگ سلام‌وطندار گه ایتیشیچه، آلتینچی صنف دن یوقاری قیزلر نینگ مکتب‌لرینی آچیش کمیته نینگ ایشی یکونلنیب و طرحی اسلامی امارت رهبری هبت‌الله آخوندزاده گه یوباریلگن.
اونینگ کوپه‌یتیریشیچه، بوتوغریده آلینگن لایحه اساسیده، تعلیم اسلامی توزوم قانون_قاعده‌لری گه ماس بولیب و قیز اوقیتووچیلری عیال و اسلامی حجاب ده بولیش‌لری کیره‌ک.
سیداکبر آغا نینگ ایتیشیچه: «قیزلر نینگ مکتبی آچیلیشی گه دایر طرح، شیخ صاحب [هبت‌الله آخوندزاده] گه قچان یوللنگنیدن خبریم بار، بیر لایحه ایجاد بولگن که اونگه اساس عمل بوله‌دی.»
بیزلرنینگ فیسبوک صحیفه‌میزگه باش اورینگ!
آلتینچی صنف دن یوقاری قیزلر نینگ مکتب‌لری یاپیق قالیشی، ایچکی و خلق‌ارا عکس‌العمل‌لرنی کوچه‌یتیرگن.
ینگی لیکده، هندوستان نینگ بیرلشگن ملت‌لر تشکیلاتی خوفسیزلیک کینگشی ده نماینده‌سی، بیرلشگن ملت‌لر تشکیلاتی نینگ بشر حقوقی باشلیغی، مملکت سابق جمهوررئیسی حامد کرزی و باشقه بیرقطار شخصیت‌لر، قیزلر نینگ مکتبی آچیلمسلیگی و بشر حقوقی نقض ایتیلیشیدن تنقیدلب، قیزلر گه تعلیم حقی بیریلیشی کیره‌ک دیگنلر.
افغانستان سیاستچیلری و ایش بیلرمان‌لریدن بیر قطاری، حاضرگی وضعیت دوامیدن خواطر بیلدیریب و قیزلر نینگ مکتب‌لری آچیلیشینی طلب قیلگنلر.
سیاسی مسئله‌لر بوییچه ایش بیلرمان حمیدالله هوتک، قیزلر نینگ مکتب‌لری آچیلیشی خصوصیده اسلامی امارت نینگ نامعلوم ملاحظه‌لریدن تنقید قیلیب ایتیشیچه، اسلامی امارت اوتگن ۱۰ آی ایچیده تورلی خیل طرح‌نی نهایی قیلیش گه قادر بولگن.
اونینگ کوپه‌یتیریشیچه: «حکومت مردمنی ایستسه، علم و ترقیات خواهله‌یدی، بو ایش تیزلیک بیلن عملی بولیشیگه امید بیلدیره‌من و حکومت نینگ باشقه بهانه‌سی قالمه‌ی تیزلیک بیلن قیزلر نینگ یوزی گه مکتب‌لر ایشیگی آچیلیشی کیره‌ک.»
سیاسی مسئله‌لر بوییچه باشقه ایش بیلرمان نورشاه نورانی گه کوره، قیزلر مکتبی یاپیق قالیشی اسلامی امارت‌نی ایچکی و خلق‌ارا قیینچیلیککه روپه‌ره قیله‌دی.
بیزلرنینگ توییترده هم تعقیب قیلینگ!
اونینگ کوپه‌یتیریشیچه، اسلامی امارت مسئوللری افغانستان خلقی و دنیا نینگ خواهش_اراده‌سیگه حرمت قیلیب و قیزلرگه تعلیم حقینی بیریش‌لری کیره‌ک.
افغانستان بویلب قیزلر نینگ مکتب‌لری یاپیق قالیشیدن تخمیناً ۱۰ اوتر ایکن بو سوزلر بیان بولماقده. بوتوغریده معارف وزیرلیگی مسئوللری نینگ فکر_ملاحظه‌سینی اورگه‌نیش اوچون تلاش قیلدیک؛ لیکن مؤفق بولمه‌دیک.