افغانستان اسلامی امارت اقتصادی وزیرلیگی مسئوللری، انسان‌دوستلیک یاردملر ترقه‌تیلیشی پروسه‌سی نینگ قنده‌ی‌لیگی خصوصیده، ۸ ماده‌لیک طرح نینگ شفاف بیر شکلده ایجاد بولیشیدن خبر بیرگن.
بوگون اقتصاد وزیرلیگی سرپرستی دین محمد حنیف، کابلده یولگه قوییلگن بیرلشگن ملتلر تشکیلاتی بیلن سکتوری وزیرلیکلر نینگ هماهنگلیگی ییغینی‌ده ایتیشیچه، پوللر نینگ باغلنگنی و افغانستانده یاردملری نینگ کیسیلگنی، مملکت‌ده قیین‌چیلیک نی ایجاد بولیشی گه سبب بولیب و افغانستان یشاوچیلری اوچون کوپینچه قیین‌چیلیک نی یره‌تگن.
بیزلرنینگ فیسبوک صحیفه‌میزگه باش اورینگ!
اقتصاد وزیرلیگی سرپرستی دنیا جماعه‌سی نینگ یاردملریدن خوش قرشی‌لب و ایتیشیچه، یاردم بیرووچی موسسه‌لر و نهادلرنینگ اوزباشیمه‌چیلیک فعالیتلریدن توسیق بولیش و بو یاردملر نینگ درست بیر شکلده ترقه‌تیلیشی اوچون، ۸ ماده‌لیک بیر طرح نی قولگه آلگن.
بیرلشگن ملتلر تشکیلاتی افغانستان گه یاردم بیرووچی نهادلردن بیری دیر. اونینگ اورغولشیچه، اوشبو نهاد سیاسی و مذهبی مسله‌لردن اوزاق بولیب و بو مملکت گه انسان دوستلیک یاردملری نی دوام بیره‌دی.
بیزلرنینگ توییترده هم تعقیب قیلینگ!
مذکور ییغین‌ده انسان دوستلیک ایشلری بوییچه هماهنگ قیلووچی و بیرلشگن ملتلر تشکیلاتی باش کاتبی نینگ خاص نماینده اورین باسری رامز اکبروف نینگ ایتیشیچه: «بیزلرنینگ ایشلریمیز انسان حقوقی و انسان حقوقی معیارلری اساسیده دیر. بیرلشگن ملتلر تشکیلاتی نینگ یاردملری سیاست، مذهب و دین‌دن اوزاق صورت تاپه‌دی.»
بوندن آلدین، مملکت یشاوچیلریدن قطاری دنیا جماعه و یاردم بیرووچی نهادلر تامانیدین یوباریلگن یاردملری نینگ درست بیرشکلده ترقه‌تیلمه‌گنیدن تنقید قیلگن بیرحالده، اسلامی امارت اقتصادی وزیرلیگی انسان دوستلیک یاردملر ترقه‌تیلیشی خصوصیده، بیر طرح ایجاد بولگنیدن خبر بیرگن.
