افغانستان بویلب ییگیت‌لردن قطاری چهارشنبه کونی، ۳۱-جوزا، کابل ده «تدبیرکارلیک کمپی» اسمی آستیده یولگه قوییلگن ایکی کونلیک بیر برنامه‌ده، تدبیرکارلیک اوچون ۴۶ طرح نی ارایه قیلگنلر. اوشبو برنامه، «آیلسو» اقتصادی و حقوقی مطالعه‌لر موسسه‌سی و باختر بیلیم یورتی تامانیدن یولگه قوییلگن. مذکور برنامه نی یولگه قوییگنلر گه کوره، تدبیرکارلیک کمپی نینگ یولگه قوییلیشی‌دن مقصد، ایجادکار ییگیتلر اوچون اقتدار ایزلنیشلر و اولر اوچون سرمایه آرتیریش و ینگی بازار کشف قیلیش دیر.
مذکور برنامه‌ده‌گی مسئوللر نینگ ایتیشلریچه، افغانستان ده تیکووچیلیک، کیچیک سوداگرلیک‌لر، دیجیتال میدیالر ایجاد بولیشی، طبیعی و ایکینچی‌لیک منبع‌لردن قنده‌ی شکلده قوللنیش بولیم‌لریده تدبیرکارلیک طرح‌لر بار که، ییگیتلر داورلر تامانیدن تایید بولیش و طرح‌لری نینگ عمل گه آشیریلیشی خصوصیدده رقابت قیله‌دیلر، اولر گه کوره، اوشبو برنامه‌ده قیزلر نینگ حضوری هم کوپ ایکن و طرح‌لری نی آنلاین شکلده ارایه قیلگنلر.
بیزلرنینگ توییترده هم تعقیب قیلینگ!
۳۴ ولایت آره‌سیده تیمی نینگ طرحی اهالی تامانیدن کوپینچه تاییدی نی آلگن بلخ ده ییگیتلر گروهی مدیری آریامل نینگ ایتیشیچه، اوشبو طرح بیلن، افغانستان نی دیجیتالی بولیش گه حرکت بیریش و باشقه بیر تاماندن، ییگیتلر گه ایش زمینه‌سی یره‌تیلیشی نی ایسته‌یدی. اونینگ کوپه‌یتیریشیچه: «دیجیتالایزیشن یا-ده اینگ ینگی تکنالوژی اوستیگه ایشله‌یمیز. بوندن بویان افغانستان ده برچه نرسه نی برقی شکلده آلغه آلیب باریش نی ایسته‌یمیز.»
باشقه بیر تاماندن، هرات ده عیال تدبیرکارلیک طرحی تیمی مسئولی سید‌رامش لطیفی نینگ ایتیشیچه، طرح‌لری اوستیده ایشله‌یدیلر. «عیال‌لر طرح‌لری اوستیده گه ایشله‌یدیلر؛ گل‌دان، دست‌بند، اخلت قوطی‌سی کبی ایش گه یره‌یدیگن نرسه‌لردن توزه‌ته‌دیلر. کیله‌سی برنامه‌لرده عیال‌لر اوزلری کیلیب طرح‌لری نی ایتیشلری کیره‌ک.»
دایکندی تیمی مدیری نعمت‌الله احسانی نینگ ایتیشیچه، تیمی نینگ طرحی بادام پروسسی خصوصیده دیر. اونینگ کوپه‌یتیریشیچه: «دایکندی محصولی نینگ ۸۰ فایزی نی بادام تشکیل بیرگنی صورت‌ده، طرحی‌میز بو دیر. پروسه‌لر نی شونده‌ی آلغه آلیب باره‌میز که ایش بازاری یخشی قیمت و درآمد بیلن اهالی گه تیارلنسین.»
تدبیرکارلیک طرح‌لر توزه‌تووچی تیملر، ایش بازاریده طرح‌لری نینگ عمل گه آشیریلیشی اوچون، مسئوللر تامانیدن حمایت بولینیشلری نی ایسته‌گنلر.
تدبیرکارلیک برنامه‌سیده‌گی مسئوللر نینگ ایتیشلریچه، داورلر تامانیدن ۴۶ طرح آره‌سیدن اوچ ته‌سی اینگ یخشی طرح صفتیده تایید و عمل گه آشیریله‌دی که، حمایت قیلووچی نهاد‌لر و اقتصادی سکتور نینگ فنی و مالی نقطه نظر‌دن اولردن حمایت قیلیشی ممکن.
بیزلرنینگ فیسبوک صحیفه‌میزگه باش اورینگ!
آیلسو حقوقی و مطالعاتی موسسه رئیسی محمد‌حنیف فرزان نینگ ایتیشیچه، ییگیتلر اقتصادی نینگ اصلی و اونملی بولیمی دیر و هر تیم طرحی‌ده کمیده ۵۰ کیشی گه ایش زمینه‌سی نی یره‌تیشی کیره‌ک.
باشقه بیر تاماندن، شونینگدیک افغانستان سوداگرلیک و سرمایه یاتقیزووچی اتاقی، طرح‌لری نهایی بولگنی ییگیتلر گه، ایش بازاریده طرح‌لری نینگ عمل گه آشیریلیشی‌ده، همکارلیک قیلیش خصوصیده سوز بیرگن.
