کابل پولیسی متقاعدلر انجمنی، متقاعدلر نینگ تیریکچیلیک وضعیت‌لریدن شکایت قیلیب ایتیشیچه، اولردن بیر قطاری نینگ حقوقلری ایکی ییل دن بیری توللنمه‌گن.
کابل پولیسی متقاعدلر انجمن باشلیغی شکرالله زمان‌زوی نینگ سلام‌وطندار گه ایتیشیچه: «متقاعدلر نینگ بیر امیدی الله و کیین ایسه تقاعدی معاشلری دیر و باشقه هیچ درآمدلری یوق و متقاعدلردن بیرقطاری نینگ حقوقی ایکی ییل دن بیری توللـه نیلمه‌گن و اقتصادی قیینچیلیک بیلن روپه‌ره‌لر.»
بیزلرنینگ فیسبوک صحیفه‌میزگه باش اورینگ!
سابق حکومتده ایچکی ایشلر وزیرلیگی ده ایشلب تقاعد قیلگنلردن یحیا کوهدامنی گه کوره، او ۷ کیشی‌لیک بیر عایله نینگ سرپرستی دیر و عایله‌سی نینگ خرجت‌لرینی تأمینلش اوچون، مجبور دن یشش اویی ده‌گی نرسهلرنی ساتگن.
اونگه کوره: «۷ کیشی‌لیک بیر عایله نینگ سرپرستی من، یشش اوییمده‌گی برچه نرسهلرنی ساتگنمن، کورپچه دن باشقه هیچ نرسه قالگنی یوق و قیش ده اوی‌نی ایسیتیش اوچون یاغاچ ساتیب آلیش گه پولیم یوق.»
عین‌حالده، مالیه وزیرلیگی سوزلاوچیسی عبدالولی حقمل نینگ ایتیشیچه، متقاعدلر نینگ حقوقی توللنیش طرحی تصدیقلنیشی اوچون اسلام امیرلیگی رهبری گه یوباریلگن، تصدیقلنیشیدن کیین عملی بوله‌دی.
بیزلرنینگ توییترده هم تعقیب قیلینگ!
عبدالولی حقمل گه کوره: «متقاعدلر نینگ حقوقی توللنیش طرحی تصدیقلنیشی اوچون اسلام امیرلیگی رهبری گه یوباریلگن، تصدیقلنیشیدن کیین اولر نینگ حقوقی توللـه نیله‌دی.»
متقاعدلر اتفاقی نینگ معلوماتی اساسیده، افغانستان بویلب عیاللر شامل کمیده ۱۴۹ مینگ تقاعد قیلگن موجود، اولردن کوپی ایکی ییل دن بویان تقاعدی حقوق‌لرینی آلیشه آلمه‌گن.
