متقاعدلردن قطاری بوگون (شنبه، ۲۱-اسد) کابل ده مالیه وزیرلیگی نینگ متقاعدلر خزینه‌سی ریاستی برابریده ناراضلیک بیلدیریب ایتیشلریچه، اوچ ییل‌دن بویان حقلری توللنمه‌گن.
متقاعدلر نماینده‌سی میرویس نینگ ایتیشیچه، متقاعدلر اقتصادی قیین‌چیلیک‌لر بیلن روپه‌ره‌لر و سرپرست حکومت تامانیدن حقلری نینگ توللنیشی نی ایسته‌یدیلر.
اونینگ کوپه‌یتیریشیچه: «قریب اوچ ییل‌دن بیری متقاعدلر حقلری توللنمه‌گن که، توللنیشی کیره‌ک. متقاعدلر نینگ اقتصادی وضعیتی جوده‌یم یامان دیر و توجه بولیشی کیره‌ک.»
بیزلرنینگ توییترده هم تعقیب قیلینگ!
آلتی کیشی‌لیک عایله سرپرستی بولمیش ملی مدافعه وزیرلیگی نینگ حربی متقاعد عبدالواسع نینگ ایتیشیچه، عایله خره‌جتلری نی تامین‌لش اوچون تیلنچی‌لیککه قول اوریش گه مجبور بولگن دیر.
اونینگ کوپه‌یتیریشیچه: «آلتی کیشی‌لیک عایله سرپرستی‌مین و ایکی ییل‌دن هم کوپ بولدی که اسلام امیرلیگی تامانیدن تقاعد حقلریمیز توللنمه‌گن. تیلنچی‌لیککه قول اوریش گه مجبور بولگن‌میز.»
شهرسازلیک و اوی-جای قوریش وزیرلیگی متقاعدی محمد عمر نینگ ایتیشیچه، ۴۸ ییل حکومت نینگ تورلی بولیم‌لری اوچون خذمت قیلگن و اوشبو حکومت‌لر، آیلیک‌لریدن بیر مقداری حکومت‌ده خذمت‌دن کیین‌گی دوره اوچون آلینه‌ر ایدی که نیاز بولگنی کون‌لر توللنیلسه. «بیراق حاضر ایسه اسلام امیرلیگی تقاعد حقلریمیز نی توللمه‌یدی و تیلنچی‌لیککه قول اوریش خصوصیده مجبورمیز.»
شونده‌ی بیرحالده، مالیه وزیرلیگی سوزلاوچیسی احمدولی حقمل نینگ ایتیشیچه، مذکور وزیرلیک آرقه‌لی متقاعدلر حقلری نینگ توللنیش طرحی تیارلنیب و تصدیق اوچون اسلام امیرلیگی رهبری گه یوباریلگن که، تصدیق‌لنگنی‌دن کیین، اجرا بولیشی ممکن.
بیزلرنینگ فیسبوک صحیفه‌میزگه باش اورینگ!
او نینگ کوپه‌یتیریشیچه: «اسلام امیرلیگی رهبری تامانیدن متقاعدلر حقلری نینگ توللنیش طرحی تصدیق‌لنیشی نی کوتیب تورگن‌میز و ان‌شاءالله کیلگنی پیتده متقاعدلر حقلری توللنه‌دی و مسئولیتی‌میز نی بیتیره‌میز و اسلام امیرلیگی سوزلاوچیسی ذبیح‌الله مجاهد‌دن اوشبو طرح ایشی نینگ قنچه آلغه کیتگنی نی سوره‌ینگ.»
بو توغریده اسلام امیرلیگی سوزلاوچیسی ذبیح‌الله مجاهد نینگ فکری نی آلیش ایسته‌دیک؛ بیراق موفق بولمه‌دیک.
ایتیش کیره‌ک که، متقاعدلر حقلری نینگ توللنیش طرحی سکیز آی‌دن آلدین اسلام امیرلیگی رهبری گه یوباریلگن دیر؛ بیراق حاضرگچه اوشبو طرح اسلام امیرلیگی رهبری آرقه‌لی تصدیق‌لنمه‌گن.
