افغانستان یشاوچی‌لریدن مینگ‌لرچه‌سی اوشبو مملکت طالبان تامانیدن تصرف ایتیلگنی سبب، دنیا بیرقطار مملکت‌لریده ناراضلیک نمایش یولگه قوییب ایرکین‌لیک ایسته‌گنلر.
آمریکا، بریتانیا، کانادا، آلمان، ایران، اتریش، سویدن و هالند مملکت‌لریده تیریک‌چیلیک قیله‌دیگن افغانستان‌لیکلر اوتگن نیچه کون جریانیده مذکور مملکت‌لرده ناراضلیک نمایش یولگه قوییب طالبان‌گه قرشی شعار بیرگن‌لر.
بیزلرنینگ فیسبوک صحیفه‌میزگه باش اورینگ!
اعتراضچی‌لر جمهورلیک ریاستی، پارلمان و پاکستان ایلچی‌خانه‌لری برابریده توپله‌نیب مذکور مملکت‌لردن تروریسم‌گه قرشی افغانستاندن حمایت قیلیشلرینی ایسته‌گنلر.
اعتراضچی‌لر طالبان نینگ پنجشیر گه قرشی هجومی و پاکستان نینگ طالبان دن حمایت قیلگنی خصوصیده نشر ایتیلگن گزارش‌لردن سونگ، پاکستان نینگ افغانستان ایش‌لریگه دخالتی‌نی قاره‌لب و پاکستان نینگ تحریم ایتیلیشی‌نی سوره‌گنلر.
اولر، پاکستان و طالبان گه قرشی شعار بیریش بیلن مقاومت جبهه‌سی و افغانستان اهالیسیدن حمایت بیلدیرگنلر.
افغانستان نینگ چیت‌ایللیک مملکت‌لرده بولگن یشاوچی‌لری، افغانستانده دوامی بولگن جنایت‌لرگه قرشی دنیا نینگ جیم تورگنیدن تنقید قیلیب و خلق ارا جماعه‌سیدن سکوت‌نی سیندریب و افغانستاندن حمایت قیلیشی نی سوره‌گنلر.
شونینگدیک، بوگون “یکشنبه” افغانستان نینگ کانادا و آلمان ده‌گی یشاوچی‌لری افغانستانی قوتقریش و دهشت تشلاوچی‌لرگه قرشی ناراضلیک نمایش یولگه قوییگنلر.
ناراضلیک نمایش‌لر چیککهسیده، اوتگن هفته “پنجشنبه” کوندن بویان، لندن شهریده ۳ کیشی و کانادا ده بیر کیشی پارلمان برابریده اعتصاب قیلیب و افغانستان‌گه یاردم بیریلیشی‌نی ایسته‌گنلر.
بیزلرنینگ فیسبوک صحیفه‌میزگه باش اورینگ!
افغانستان باشکنتی و باشقه بیرقطار ولایت‌لرده هم جاری وضعیت و انسان حقوقی نقض ایتیلگنی‌گه قرشی ناراضلیک نمایش یولگه قوییلگن، لیکن اعتراضچی‌لر زوروانلیک بیلن روپه‌ره بولگن و طالبان تامانیدن اوق آتیلگنی نتیجه‌سیده، اعتراضچی‌لردن بیرقطاری هلاک و یره‌لنگن.
