بوگون “چهارشنبه” کابلده فعال عیاللردن بیرقطاری طالبان تامانیدن اعلان ایتیلگن کابینه گه قرشی اعتراض بیلدیریب و عیاللر وزیرلیگی نینگ کابینه فهرستی‌دن حذف ایتیلگنی‌نی ادعا قیلگنلر.
بیزلرنینگ فیسبوک صحیفه‌میزگه باش اورینگ!
اولرنینگ ایتیش‌لریچه، طالبان گروهی عیال‌لرنینگ سیاسی مشارکتی‌گه توسیق بولمه‌یشیدن ایشانچ بیرگن ایدی، لیکن عیاللر وزیرلیگی نینگ حذف ایتیلیشی اولرنینگ اوز ادعالریگه صادق بولمه‌یشینی کورسته‌دی.
اعتراضچی عیال‌لرنینگ ایتیش‌لریچه، عیاللر وزیرلیگی نینگ طالبان تامانیدن حذف ایتیلیشی قابل قبول ایمس و اولرنی بوتوغریده دقت قیلیشی کیره‌ک.
اعتراضچی‌لردن بیری زینب اخلاقی نینگ ایتیشیچه، عیاللر وزیرلیگی نینگ حذف ایتیلیشی چیککه‌سیده طالبان تامانیدن اعلان ایتیلگن کابینه هم هرتامانلمه ایمس دیر.
اعتراضچی‌لردن باشقه بیری زهرا ماندگار نینگ ایتیشیچه، عیاللر وزیرلیگی نینگ حذف ایتیلیشی ینگی حکومت مشروعیتی‌نی سوراق آستیگه قرار بیرگن.
بیزلرنینگ فیسبوک صحیفه‌میزگه باش اورینگ!
بیراق، اسلامی امارت فرهنگی کمیسیونی عضوی انعام‌الله سمنگانی نینگ ایتیشیچه، عیاللر وزیرلیگی نینگ تشکیلی کابینه بدنه‌سیدن چیقاریلمه‌گن و اونینگ اوستیگه ایش‌نی دوامی بار.
