نماینده‌لر کینگشی اعضالریدن بیرقطاری نینگ ایتیش‌لریچه، جمهور رئیس محمداشرف غنی اوروش خصوصیده هیچ‌نرسه بیلمه‌یدی و اوشبو مسله وضعیت نینگ یمان بولیشی‌گه سبب بولگن.
بوگون “دوشنبه” نماینده‌لر کینگشی اعضالریدن بیرقطاری نینگ اوشبو کینگش عمومی ییغینیده ایتیش‌لریچه، جمهور رئیس غنی اوروش خصوصیده هیچ‌نرسه بیلمه‌یدی و انه‌شوو سبب، کون اوتیش بیلن امنیتی وضعیت یمان بولماقده.
نماینده‌لر کینگشی عضوی ضیا آریانژاد نینگ ایتیشیچه، جمهور رئیس مسلکی بیر کیشی ایمس و ارورش‌دن هیچ‌نرسه بیلمه‌یدی.
جناب ضیا، جمهور رئیس غنی دن نتیجه‌سیز ییغین‌لرنی توخته‌تیب و اوروش خصوصیده مدافعه و ایچکی ایش‌لر وزیرلریگه صلاحیت بیریشی‌نی سوره‌گن.
نماینده‌لر کینگشی باشلیغی میررحمان رحمانی نینگ اوشبو ییغینده ایتیشیچه، اوروش مدیریتی‌ده جدی اوزگریش‌لیک کیلتیریش لازم.
جناب رحمانی نینگ کوپه‌یتیریشیچه، مملکت امنیتی وضعیتی کون اوتیش بیلن یمان بولماقده و امنیتی نهادلر باشلیغی‌ده مسلکی کیشی‌لرنی جایلشتیریش اوچون دولت مکلف دیر.
عین‌حالده، فاریاب اهالیسی نینگ نماینده‌لر کینگشی‌ده‌گی وکیل‌لریدن بیرقطاری، قوم بویوک‌لر و مدنی فعال‌لر کابلده خبری بیر ییغین اوتکزیب دولت‌دن فاریاب امنیتی وضعیتی خصوصیده دقت قیلیشی‌نی سوره‌گنلر.
نماینده‌لر کینگشی عضوی شفیقه سخا یولچی نینگ ایتیشیچه، فاریاب وضعیتی‌گه دقت بولمه‌گن صورتده، اوشبو ولایت‌نی سقوط قیلیشی ممکن.
خانم یولچی نینگ کوپه‌یتیریشیچه، اوشبو ولایت امنیتی مسوول‌لری نینگ کفایت‌سیزلیگی و مدیریت‌سیزلیگی سبب، اوتگن بیر هفته جریانیده ۵ تومن طالبان قولیگه سقوط قیلگن و دقت بولمه‌گن صورتده، باشقه تومن‌لرنی هم سقوط قیلیشی ممکن.
نماینده‌لر کینگشی اعضالری و فاریاب یشاوچی‌لری نینگ ادعاسی خصوصیده جمهورلیک ریاستی فکرینی آلیش اوچون سعی و حرکت قیلدیک، لیکن موفق بولمه‌دیک.
سونگی مورد ده ایچکی ایش‌لر و مدافعه وزیرلیکلری و ملی اردو باش قومندانی اوچون ینگی سیمالر حکومت تامانیدن تانیتیلگن. ملی مدافعه وزیرلیگی سرپرستی بسم‌الله محمدی، اوتگن کونی بیر اعلامیه نشر قیلیب اهالی‌دن طالبان‌گه قرشی بسیج بولیش‌لرینی سوره‌گن.
گزارش‌لرگه کوره، سونگی ۱۰ کون جریانیده مملکت بوییچه ۶۰ تومن طالبان نظارتی‌گه اوتگن.
