قندهار ساغلیقنی سقلش مسئوللری، اوشبو ولایتنینگ اسپینبولدک تومنی حدودلریگه پاکستان حربی کوچلری تامانیدن عملگه آشیریلگن بیرقطار هوا و توپخانهای هجوملریده کمیده ۴۰ کیشی «شهید» بولیب و باشقه ۱۷۰ کیشی یرهلنگنینی ایتگنلر.
«شهیدلر» و یرهدارلر آرهسیده، عیاللر و بالهلر بارلیگی ایتیلگن.
مسئوللر گه کوره، اوشبو هجوملر ۲۳-میزان، چهارشنبه کونی پاکستان حربی کوچلری تامانیدن اویوشتیریلگن.
قندهار اسپینبولدک تومنی ساغلیقنی سقلش آمری کریمالله زبیر آغا سلاموطندار بیلن صحبتده، بو هجوملر نتیجهسیده ۱۷۰ یرهدار و ۴۰ شهید اوشبو تومننینگ ساغلیق مرکزی گه آلیب باریلگنینی بیلدیردی.
اسپینبولدک ساغلیقنی سقلش آمری، «شهیدلر»دن کوپراغی عیاللر و بالهلر اېکنلیگینی قوشیمچه قیلگن.
سۉنگی کونلرده افغانستان و پاکستان اورتهسیده دیورند چیزیغی بوییچه توقنشوولر کوچهیگن و ایکی تامان هم بیر-بیرینی چېگره تجاوزی بیلن عیبلهماقده.
محل یشاوچیلری، توقنشوولر گه چېک قوییلیشی و تینچ اهالی تلفاتی آلدی آلینیشینی سورهیدیلر.
