کابل ولایت یشاوچیسی بولگن لطیف ۳۰ یاشر دیر. او، بیر قیز و اوغیل نینگ آته‌سی دیر و خیاط‌لیک بیلن شغللنگن. لطیف عایله‌سی نینگ بویوک فرزندی دیر و ۱۳ کیشی‌لیک عایله‌سی نینگ نفقه‌سینی تأمین‌لش اوچون حرکت قیله‌دی.
او، عایله‌سی نینگ کتته‌لیگی و درآمدی نینگ کم‌لیگی باعث مینگ‌لرچه امید و آرزو بیلن قانونی مهاجرلیککه یوز کیلتیریب و امارات مملکتی تامان یول آله‌دی. لطیف افغانستان نی ترک قیلیش گه قرار آلگن کون، دکانی نی ساتیب و ۷۲۰ دالر بیلن امارات تامان سفر قیله‌دی.
لطیف سلام‌وطندار بیلن صحبت اوتکزیب ایتیشیچه: «مینینگ کسبیم خیاط‌لیک دیر. بو ییرده ایش و کار یخشی ایمس ایدی و یالغیز اوی و دکان نینگ خرجی تأمین‌لنه‌یدی. امنیتی قیینچیلیکلر بار ایدی، ایش یوق ایدی، شو یوزه‌دن مملکتدن تشقی تامان کیتیش گه قرار آلدیم. قانونی سفر قیلدیم، عایله‌م بیلن مصلحت قیلدیم؛ چونکه آته و آنه نی دعاسی بولمه‌گنده، ایش و کار هم بولمه‌یدی. پاسپورت و ویزا آلیب، امارات کیتدیم. یالغیز کیتیش گه ۷۲۰ دالر صرف‌لندی.»
بیزلرنینگ فیسبوک صحیفه‌میزگه هم باش اورینگ!
لطیف نینگ ایتیشیچه، یالغیز ۲۰ کون امارات گه ایشله‌دی و کرونا ویروسی ایشلرنینگ تعطیل بولیشی گه سبب بولدی. او، بیگانه بولگنی و تیل نی بیلمه‌گنی باعث کوپ قیینچیلیکلرگه دوچ کیلدی. لطیف قیینچلیکلرنی تن آلیش و قرنطینه دوره‌سی رفع بولیشی بیلن کیچه‌وکوندوز ایش اَخترگن و بیر آیدن کیین ایش تاپگن؛ بیراق آته‌سی نینگ اولیمی نی خبری، اونینگ برچه خرسندلیک‌لرینی غم گه اوزگرتیرگن.
لطیف نینگ کوپه‌یتیریشیچه: «کرونا برچه مملکتلرگه ضرر ییتیشتیردی، اینیقسه مهاجرلرگه. قیینچلیکلر کوپ ایدی و اتاقی‌میزنینگ خره‌جتی نی پوره قیله آلمه‌یدیک. قرنطینه یکونلنگنیدن کیین، ایش اَختردیم. بیر آی ایش تاپیش اوچون دوکان مه دوکان گیزدیم، خیاط‌لیک و باشقه هر قنده‌ی ایش بولسه قیلیش گه مجبور ایدیم، هر ییرده کیتیب ایشچی کیره‌ک می دیب سوریدیم. نهایتده بیر ییرده ایش تاپدیم و ایش تاپگنیم اوچون کوپ خرسند ایدیم، بیر آی اوتمه‌دی که آته جانیم نینگ اولیمی دن خبر بولدیم و افغانستان گه قیتیش گه زورلندیم.»
اوروش، قشاقلیک، ناتینچلیک و ایش‌سیزلیک یالغیز لطیف نی مهاجرلیککه زورلنتیرمه‌گن، بلکیم ییل‌لردن بیری شو دلیل باعث، ییگیت‌لردن کوپینچه‌سی قانونی و ناقانونی مهاجرلیککه یوز کیلتیره‌دی.
عین حالده، مهاجرلر وزیرلیگی نینگ رسانه بولیمی مصلحتچیسی سیدعبدالباسط انصاری، نیگ ایتیشیچه، مذکور وزیرلیک ایشچی‌لرنینگ مملکتدن تشقی یوباریش اوچون ایش و اجتماعی ایشلر وزیرلیگی بیلن قوشمه ایشله‌یدی و ۲۰ مینگ کیشی ایش‌لش اوچون عربی مملکتلرگه یوباریلیشی گه قرار قیلینگن.
بیزلرنینگ توییترده هم تعقیب قیلینگ!
مهاجرلر وزیرلیگی نینگ رسانه بولیمی مصلحتچیسی، لطیف کبی کیشیلرنینگ تقدیری توغریسیده ایتیشیچه: «اوز باشیمچه‌لیک شکلده عربی مملکتلر تامان کیتیب و ایش‌لش گه قرار آلگن کیشیلر، طبعن هر مملکت نینگ اوز قانونی بار. ایش تاپیش کوپ قیین دیر و کرونا ویروسی نینگ بیرینچی تولقینی دنیا سطحی ده بیر تهدید ایدی و اینیقسه مهاجرلریمیز بار مملکت‌لرده. اوز مملکتی‌میزگه شاهد ایدیک، قرنطینه بولگنده، ایرکین کسب‌لری بولگن اولکهداشلریمیز قیینچیلیککه دوچ کیلدی و بو جدی بیر قیینچیلیک دیر و قیغو بیلن سیز ایسله‌گن مملکتده بیزلرنینگ نماینده‌لیگی‌میز یوق. اولکهداشلریمیز مهاجرلر وزیرلیگی نینگ نماینده‌لیگی بولمه‌گن مملکت‌لرده، قیینچیلیک‌لرینی حل قیلیش اوچون افغانستان ایلچی‌خانه‌سیگه مراجعت قیله آله‌دی.»
باشقه بیر تاماندن، ایش و اجتماعی ایشلر وزیرلیگی عبدالفتاح عشرت احمدزی نینگ ایتیشیچه، بو وزیرلیک ایش‌سیزلیک نی نظارت گه آلیش اوچون، برنامه‌لرنی قولگه آلگن که اولردن بیری ایشچی‌لرنینگ مملکتدن تشقی یوباریش دیر.
ایش و اجتماعی ایشلر وزیرلیگی سوزلاوچیسی نینگ کوپه‌یتیریشیچه، ایشچی‌لرنینگ مملکتدن تشقی یوباریش دن مقصد، ناقانونی مهاجرلیک نینگ آلدینی آلیش دیر.
