اسلامی امارت ایچکی ایشلر وزیرلیگی نینگ پاسپورت عمومی ریاستی بیر اطلاعیه ترقه‌تیب اعلام قیلیشیچه، بوگون (شنبه،۲۰-حمل) پاسپورت نینگ آن‌لاین ثبت نام پروسه‌سی باشله‌نیشی گه قرار قیلینگن.
اوشبو ریاست نینگ اعلامی اساسیده، پاسپورت نینگ مرکزی اداره‌سی یالغیز کابل‌ده فعال دیر و شونینگدیک مذکور اداره نینگ مدیریت‌لری ولایت‌لرده یاپیق قالیشی ممکن.
بیزلرنینگ فیسبوک صحیفه‌میزگه باش اورینگ!
پاسپورت عمومی ریاستی نینگ ایتیشیچه، تقاضاچیلر هر بیر ولایت‌دن بولسه‌لر هم پاسپورت آلیش درخواستی نی آن‌لاین شکلده وب‌سایت‌دن آلیب و تولدیره آله‌دیلر.
اعلامیه اساسیده، آن‌لاین آت‌یازیش هرکون ۲۴ ساعت فعال دیر؛ بیراق کونده‌لیک قبول قیلیش حجمی کمیده ۲۰۰۰ گه چیکلنگن.
بیزلرنینگ توییترده هم تعقیب قیلینگ!
پاسپورت عمومی ریاستی نینگ بیانیه‌سی اساسیده، اوتگن هفته پاسپورت نینگ آن‌لاین آت یازیش و ترقه‌تیلیشی برچه ولایت‌لرده باشلنیشی گه قرار آلینگن ایدی؛ بیراق بو وعده عمل گه آشیریلمه‌دی.
پاسپورت ترقه‌تیش و تقاضاچیلر اسنادی قانونی لشتیریش پروسه‌سی اوتگن ییل حوت آیی نینگ سون کونلریده مرکز و ولایت‌لرده توخته‌دی. پاسپورت عمومی ریاستی، اسلامی امارت نینگ قدرت گه ایریشگنیدن کیین، نیچه مرته توخته‌تیلیب و آچیلگن.
