کابل شهری‌ده صحت روانی تخصصی کسل‌خانه‌سی مسئوللری نینگ ایتیشلریچه، اوشبو کسل‌خانه گه مراجعت قیلووچیلر سانی، ۴۲ فایز کوپه‌یگن. اولر نینگ کوپه‌یتیریشلریچه، اوتگن آلتی آی‌ده اوشبو کسل‌خانه گه روحی کسللیکلر گه چلینگن بیش مینگ کیشی مراجعت قیلگن که، بوندن آلدین مراجعت قیلووچیلر سانی اوچ مینگ ۵۰۰ کیشی گه ییتیدی.
صحت روانی کسل‌خانه باش‌شفاکاری خوجه قدرت‌الله صدیقی نینگ سلام‌وطندار گه ایتیشیچه، کونده روحی قیینچیلیکلر گه چلینگن ۲۵۰ کیشی درمان اوچون اوشبو کسل‌خانه گه مراجعت قیله‌دی که، اولر ارا باله‌لر هم شامل دیر. اونینگ کوپه‌یتیریشیچه: «حاضر ایسه ۸۵ کیشی بستر دیر. هر ایرتنگ آله‌دیگنیمیز راپور گه قره‌گنده، ۱۵ بستر مخدره ماده گه چلینگنلر اوچون و قالگنی ایسه، روحی قیین‌چیلیککه چلینگنلر اوچون دیر. روحی کسل‌لیککه چلینگن مراجعت قیلووچیلر ایکی بولیم گه دیر؛ عاجل کسل‌لر روان‌درمانی گه تانیتیله‌دی و عاجل بولمه‌گن کسل‌لر گه ایسه دارو بیریله‌دی.»
صحت روانی کسل‌خانه باش‌شفاکاری ایش‌سیزلیک و قشاق‌لیک نینگ، یشاوچیلر آره‌سیده روحی قیینچیلیکلر کوپه‌یگنی عنوان قیلیب و اورغولشیچه، اوشبو کسل‌خانه روحی کسللیکلر گه چلینگن کیشی نینگ درمان‌لنیشی اوچون ییترلی امکانیت گه ایگه دیر.
بیزلرنینگ «ایکس» ترماغی ده هم تعقیب قیلینگ!
شونده‌ی بیرحالده، صحت روانی کسل‌خانه‌سی گه مراجعت قیلووچیلردن قطاری نینگ ایتیشلریچه، غذبلنماق، عصبی قیینچیلیکلر، اویقوسیزلیک و تشویش سبب، مذکور کسل‌خانه گه درمان اوچون مراجعت قیلگنلر.
کابل نینگ دارالامان منطقه یشاوچیسی ۱۶ یاشر نعمت‌الله، بیر آی‌دن بیری روحی کسللیکلر گه چلینگن دیر. اونینگ ایتیشیچه، ساغلیگی اوچون روحی مصلحت و دارودن قوللنه‌دی. اونینگ کوپه‌یتیریشیچه: «باشیم آغریدی و اوی‌ده کوپ جنجل قیله‌ر ایدیم. هیچ کیم نینگ گپی گه قولاق سالمه‌س ایدیم. بو رقم قیین‌چیلیک‌لریم بار ایدی، بیر آی آلدین بو ییر گه کیلدیم، شفاکارلر دارو بیردی و دارو نی قوللنگنیم‌دن کیین یخشی بولدیم.»
کابل نینگ سه‌راهی علاءالدین یشاوچیسی بولمیش رابعه، ۲۳ یاشر اوغلی نی درمان اوچون صحت روانی کسل‌خانه‌سی گه کیلتیرگن دیر. اونینگ ایتیشیچه، ایران و تورکیه‌دن چیقریلگنی‌دن کیین، روحی کسل‌لیککه چلینگن دیر. اونینگ کوپه‌یتیریشیچه: «عایله بیلن جنجل قیله‌ر ایدی و اویقوسیز ایدی. اوتگن ییل‌لرده بو رقم ایمس ایدی، ایران کیتگن ایدی و اوییردن چیقریلدی، دوست‌لریم کیتدی و مین کیته آلمه‌دیم دیب تشویش قیلدی و بو کون گه ییتیشدی؛ حاضر شفاکارلر آلتی آی‌لیک دارو بیردیلر و یخشی بوله‌دی دییدیلر.»
شو بیلن بیرگه، خلق‌ارا ساغلیق تشکیلاتی، شونینگدیک چهارشنبه کونی، ۳-عقرب، ترقه‌تگن ییل‌لیک گزارشی‌ده اعلام قیلیشیچه، افغانستان یشاوچیلری جدی بیر شکلده روحی قیینچیلیکلر و زیان ییته‌دیگن حادثه‌لر خوفی آستیده قرار تاپگنلر. اوشبو تشکیلات گه کوره، افغانستان ده هر ایکی کیشی‌دن بیر ته‌سی روحی کسللیکلر گه چلینگن دیر.
روحی مصلحت یا-ده درمان گه نیازی بولگن یشاوچیلردن کوپینچه‌سی نادرست ایشانچ‌لر و شرم بیلیش اوچون روحی سلامت‌لیک مرکزلر گه مراجعت قیلمه‌سلیکلری بیرحالده، کابل ده صحت روانی تخصصی کسل‌خانه مسئوللری روحی کسللیکلر گه چلینگنلر سانی کوپه‌یگنیدن خبر بیرگنلر.
روانشناسلر نینگ ایشانچی گه کوره، روحی کسل‌لیک‌لردن یشاوچیلر معلومات سطحی آزلیگی، روان‌شناس یانیده روحی کسللیکلر نینگ بیلینیشی‌دن قورقوو، یشاوچیلر آره‌سیده نادرست ایشانچ‌لر و قشاق‌لیک، روحی کسللیکلر گه چلینگن کیشی‌لردن کوپینچه‌سی نینگ روان‌شناس گه مراجعت قیلمه‌سلیگی گه سبب بولگن.
بیزلرنینگ فیسبوک صحیفه‌میزگه باش اورینگ!
روان‌شناس‌لردن زکریا بارکزی نینگ اورغولشیچه، روانشناسلیک موضوعلری خصوصیده یشاوچیلر گه معلومات بیریلیشی کیره‌ک. «قیغو بیلن روحی موضوع‌لر حاضرگچه جمعیت‌ده اوز اورینی نی تاپمه‌گن و مستقل و یاردم بیرووچی بیر علم صفتیده، یشاوچیلر قیین‌چیلیگی نی حل قیله آلمه‌گن. اهالی روانشناسلیک موضوعلری گه ایشانمه‌یدیلر، کوپینچه نرسه‌لر نینگ سِر صفتیده سقله‌یمیز و شرم قیله‌میز که موضوع‌لر نینگ روانشناسلر گه اَیتسه‌ی و بیلگنلری صورت‌ده، بوتون جمعیت گه ایته‌دیلر دیب فکر قیله‌دیلر.»
شونینگدیک بو گزارش‌ده ساغلیق وزیرلیگی فکری نی آلیش ایسته‌دیک؛ بیراق مذکور وزیرلیک بو توغریده معلومات ارائه قیلمه‌دی.
ساغلیق‌نی سقلش وزیرلیگی، بیر آی آلدین خلق‌ارا صحت روانی کونی‌ده، مملکت یشاوچیلری گه روحی خذمتلر ارائه‌سی خصوصیده متعهد بولگنی نی اعلام قیلگن ایدی. اوشبو وزیرلیک معلوماتی اساسیده، ۲۰۲۲-ییل‌ده افغانستان ده ۲۲ میلیون‌دن آرتیق کیشی گه روحی ساغلیق خذمتلر ارائه بولگن.
