«راه دانش» تیکووچیلیک ایشخانهسیده، مکتب و بیلیم یورت‌دن محروم قالگن ۶۰ قیز، بوگون (چهارشنبه، ۱۶-حوت)، تیکووچیلیک، مورهدوزلیک، توقووچیلیک، چرمه‌دوزلیک، رسام‌لیک و خطاط‌لیک بولیم‌لریدن فارغ بولگنلر.
اوشبو تیکووچیلیک ایش‌خانه مسئولی حسنا روفی نینگ ایتیشیچه، عیال‌لر گه ایش زمینه‌سی نی یره‌تگنی‌دن بیر ییل بولگنی و خلق‌ارا خاتین قیزلر بیردملیک کونی ییتیب کیلیشی مناسبتی بیلن بو برنامه نی یولگه قوییگن.
بانو روفی عیال‌لر اوچون ایش اورگه‌تیش ایش‌خانه‌سی نینگ ایجاد قیلگنی‌دن مقصد، عیال‌لر گه ایش اورگه‌تیش و اولر نینگ خودکفالیککه ییتیشتیریش عنوان قیلگن. «اوشبو برنامه، بیر ییل‌لیک ایدی. قریب ۶۰ کیشی فارغ بولدی که ۳۰ ته‌سی برنامه‌ده حضوری بار و بو عیال‌لر تورلی بولیم‌لر ایش اورگنگنلر. بیزلر قریب ۲۵ عیال نی قیته ایش گه شامل قیله آلدیک.»
بیزلرنینگ «ایکس» ترماغی ده هم تعقیب قیلینگ!
راه دانش تعلیمی ایشخانهسیده تعلیمی دوری نی بیرتیرگنلر نینگ ایتیشلریچه، عیال‌لر گه ایش زمینه‌سی یوقلیگی و خودکفالیککه ییتیشیش اوچون بو تعلیمی دوری گه شرکت قیلگنلر.
مسلکی تعلیم دوریدن فارغ بولگنلردن قطاری نینگ ایتیشلریچه، تعلیمی کورس‌لر یاپیلگنی‌دن کیین، تیکووچیلیککه یوز کیلتیریب و حاضر ایسه بو بولیم‌ده ایش قیلیشلری ممکن.
مسلکی تعلیم دوریدن فارغ بولگنلردن مریم عطا نینگ ایتیشیچه: «جوده‌یم خورسند‌مین که بو دور‌دن فارغ بولدیم. ایش زمینه‌سی یوق و بیزلر بو یول آرقه‌لی اوزیمیز و عایله‌میز گه مالی یاردم بیره آله‌میز.»
شونینگدیک مسلکی تعلیم دوریدن فارغ بولگنلردن باشقه بیری مرسل نینگ ایتیشیچه: «قریب بیر ییل بوله‌دی که مذکور ایش‌خانه‌ده ایشله‌یمن. تیکووچیلیک و توقووچیلیک نی اورگندیم. شونینگدیک باشقه مهارت‌لر نی هم اورگندیم رسام‌لیک بولیمی‌ده هم ایشلش نی ایسته‌یمن و ایش قیلیب پیشرفت قیلیش نی ایسته‌یمن.»
بیزلرنینگ فیسبوک صحیفه‌میزگه باش اورینگ!
شونده‌ی بیرحالده، افغانستان سوداگرلیک و سرمایه یاتقیزووچی اتاق اورین‌باسری خیرالدین مایل احمدی نینگ ایتیشیچه، اسلامی شریعت اساسیده، مملکت‌ده عیال‌لر فعالیتی‌دن حمایت قیلهدیلر. «برچه عیال و ایرکک اسلامی حجاب نی نظر گه آلیش بیلن ایشلری گه دوام بیره آله‌دیلر. سیزلر گه ایشانچ بیره‌من که عیال‌لر نینگ ایش و تولید‌لری بولیمی‌ده افغانستان سوداگرلیک و سرمایه یاتقیزووچی اتاقی نینگ حمایت قیلیشی ممکن.»
عین حالده، قیزلر یوزیگه مکتب‌لر و بیلیم یورت‌لر ایشیگی یاپیلگنی‌دن کیین، اوقووچیلردن کوپینچه‌سی تیکووچیلیک، مورهدوزلیک، توقووچیلیک و خامک‌دوزلیککه یوز کیلتیریب و اوشبو مسلک‌لر نینگ مسلکی شکلده اورگه‌نیش بیلن درآمد قولگه کیلتیریش خصوصیده سعی‌وحرکت قیلماقده‌لر.
