ایچکی ایشلر وزیرلیگی نینگ مخدره ماده گه قرشی کوره‌ش معینی ملا‌عبدالحق آخوند، اوتگن بیر ییل‌ده اوشبو وزیرلیک نینگ بیر ییل‌لیک یوتوق‌لری و فعالیت‌لرینی میدیالر بیلن شریک قیلیش ییغینیده ایتگن که، حاضر بوتون افغانستان ده کوکنار ایکیلگن بیر جریب ییر هم موجود ایمس و اولر مخدره ماده ایکیلگن برچه ییرلر نی اورتهدن کیتگزگنلر.
اوشبو اداره معینی نینگ کوپه‌یتیریشیچه، مخدره ماده قیین‌چیلیگی بیلن یالغیز افغانستان ایمس، بلکیم دنیا هم اوشبو قیین‌چیلیککه روپه‌ره دیر. مخدره ماده گه قرشی کوره‌ش معینی نینگ ایشانچی گه کوره، مخدره ماده‌دن نه فقط افغانستان زیان کوره‌دی بلکیم اوشبو قیین‌چیلیک دنیا مملکت‌لرینی هم ایریم قیینچیلیکلر بیلن روپه‌ره قیلگن.
بیزلرنینگ فیسبوک صحیفه‌میزگه باش اورینگ!
شونده‌ی بیرحالده، اوشبو ییغین‌ده مخدره ماده گه قرشی کوره‌ش معینی نینگ دفتر رئیسی حسیب‌الله احمدی نینگ ایتیشیچه، اوتگن بیر ییل‌ده مرکز و ولایت‌لرده مخدره ماده گه قرشی کوره‌ش معینیتی‌دن ۲۰۰۰ کیشی ایش‌دن چیقریلگن. او مذکور ایش نینگ سببی نی، ایشلاوچیلر نینگ ایش گه بارمه‌یشلری عنوان قیلگن. احمدی نینگ کوپه‌یتیریشیچه، اولر اوتگن بیر ییل‌ده مرکز و ولایت‌لرده ۲۰۷۲ کیشی نی ایش گه آلگنلر.
باشقه بیر تامان‌دن، ایش بیلرمان‌لردن قطاری نینگ سلام‌وطندار گه ایتیش‌لریچه، گرچند اوتمیش ییل‌لر گه قره‌گنده مخدره ماده نینگ گرافی کمه‌یگن؛ لیکن آز بیر زمان‌ده اونینگ اورتهدن کیتکزیلیشی ممکن ایمس.
ایش بیلرمان‌لر نینگ ایشانچ‌لری گه کوره، افغانستان دهقان‌لری گه مخدره ماده نینگ بدیلی بیرلمه‌گونگه قدر، افغانستان ده مخدره ماده نینگ یوقالمه‌یشی ممکن. اولر مخدره ماده نینگ منع قیلینیشی خصوصیده‌‌گی اسلامی امارت رهبری نینگ بویروغی نی فایده‌لی دیب؛ بیراق مخدره ماده نینگ کامل شکلده اورتهدن کیتیشی اوچون فایده‌لی بولمه‌گنی نی بیلدیرگنلر.
بیزلرنینگ توییترده هم تعقیب قیلینگ!
ایتیلیشچه، مخدره ماده گه قرشی کوره‌ش معینیتی اوتگن بیر ییل‌ده ۱۷۳۳ عملیات یولگه قوییگن و شونینگدیک ۲۰۹۵ کیشی نی قولگه آلگن.
ایتیش کیره‌ک که، اولر سونگی بیر ییل‌ده مخدره ماده ایکیلگن ۷۸.۴ هکتار ییر نی اورتهدن کیتکزیب و کمیده ۴۸۰۰۱ معتاد نی توپلگنلر.