افغانستان ده قویاش ۱۳۹۸_ییل دن بویان ترقیاتی پروژه‌لر بولیمی ده فعالیتی بولگن ملی ترقیات کمپنیه‌سی مسئوللری گه کوره، دولت اداره‌لری اوشبو کمپنیه دن قریب ۱۸ میلیارد ۴۰۰ میلیون افغانی قرضدار دیر.
مذکور کمپنیه مسئوللری، حکومت نینگ اطلاعات و میدیالر مرکزی ده اوتکزگن مطبوعاتی ییغیلیشی ده، قرضدار اداره‌لردن قویاش ۱۴۰۲_مالی ییل ده اوشبو کمپنیه نینگ قرض‌لرینی توللـش‌لرینی طلب قیلگنلر.
بنائی انشاآت کمپنیه باشلیغی عبدالله احمدزی نینگ ایتیشیچه، مذکور کمپنیه باشقه شرکت‌لردن هم قرضدار دیر.
بیزلرنینگ فیسبوک صحیفه‌میزگه باش اورینگ!
اونگه کوره: «بیز بعضی قولی‌لیک یره‌تووچی کمپنیه‌لردن قرضدار میز، اوشبو قرض‌لرنی توللش جریانی دوام ایتماقده و کمپنیه درآمدی دن قرض‌لرنی توللش اوچون سعی‌وحرکت قیلماقده‌میز، ۱۸.۴ میلیارد افغانی باشقه اداره‌لر بیزدن قرضدار و بیز قولی‌لیک یره‌تووچی کمپنیه‌لردن قرضدار میز.»
شونینگدیک، ملی ترقیات کمپنیه مسئوللری گه کوره، ترقیاتی بودجه‌سی یوق‌لیگی سبب، حاضر اوشبو کمپنیه نینگ ۶۰۰ ترقیاتی پروژه ایشی توخته‌گن.
ملی ترقیات کمپنیه‌سی قوریلیشی دن حاضرگچه مملکت بویلب دولت اداره‌لری انشاآتی، سوو توغان‌لری و سرک قوریش شامل ۴۵۷ پروژه ایشینی بیتتیریب و فایده‌لنیشگه تاپشیرگن، اولر ارا اوتگن قویاش ییل ده ۸۳ پروژه ایشی یکونلنگن.
ملی ترقیات کمپنیه‌سی نینگ مالی و اداری اورین باسری عبدالولی عادل گه کوره، اوشبو ییل ده ایشلری توخته‌گن پروژه‌لر ایشی باشله‌نیشی مقصدیده سعی‌وحرکت قیلماقده‌لر.
بیزلرنینگ توییترده هم تعقیب قیلینگ!
ملی ترقیات کمپنیه‌سی نینگ مالی و اداری اورین باسری نینگ کوپه‌یتیریشیچه: «سونگی سیاسی اوزگریش دن کیین ایشلری توخته‌گن ۸۲ پروژه ایشینی، قویاش ۱۴۰۲_ییل ده باشلش نی ریجه‌لشتیرگن میز و شونینگدیک اوتگن ییلی ایشلری باشلنگن پروژه‌لر ایشینی تیزلشتیریش مقصدیده سعی‌وحرکت قیلماقده‌میز.»
ایتیش کیره‌ک که، اوتگن قویاش مالی ییل ده، اسلام امیرلیگی حکومتی ترقیاتی بولیم‌لرده آز بودجه اختصاص بیرگن ایدی.
