باش وزیر نینگ بیرینچی اورین باسری ملا عبدالغنی برادر ییتکچیلیگیده اسلامی امارت اقتصاد کمیسیونی نینگ ییغینی بوگون اوتکزیلدی.
باش وزیر ریاستی نینگ بیرینچی اورین باسرلیگی بیر بیانیه ترقهتیب ایتیشیچه، اوشبو ییغینده خوفسیزلیک نهادلرگه، دولت ادارهلری و زوروانلردن افغانستان برق ییتکیزیش شرکتی یا برشنا نینگ قرضلرینی ییغیش اوچون، مذکور شرکت بیلن همکارلیک قیلیش بویروغینی بیرگن.
بیزلرنینگ فیسبوک صحیفهمیزگه باش اورینگ!
بیانیه اساسیده، اسلامی امارت حاکمیتی و اوندن آلدین، دولت ادارهلریدن قطاری و زوروانلر، اوشبو شرکت قرضلرینی توللشمهگن، شونی اوچون برشنا شرکتی قیینچیلیکه روپهرو بولگن.
شونینگدیک اقتصاد کمیسیونی، افغانستان مرکزی بانکی و دولتی شرکتلر نینگ نمایندهلریگه، بانکی چیکلاولر حلی اوچون، دولت شرکتلری گه منظم بیر ریجه تیارلش بویروغینی بیرگن.
مذکور کمیسیون؛ کابینه نینگ ۲۸مصوبهسی اساسیده، برچه وزیرلیکلرنی اقتصادی و ترقیاتی پروژهلر طرحینی ترتیب و تصدیقلش اوچون، رهبرلیک مقامی گه یوللشلرینی سورهگن.
بیزلرنینگ توییترده هم تعقیب قیلینگ!
بو عینحالده، بوندن آلدین برشنا شرکتی؛ صنعتکارلر، سیاستچیلر و سوداگرلر مذکور شرکتدن ۲۶ میلیارد افغانی قرضدار دیر، اوشبو قرض توللنمهگن تقدیرده، برشنا کمپنیهسی برق صادر قیلووچی مملکتلر نینگ پولینی توللـهی آلمهیدی، کیین ایسه افغانستان برقی کیسیلیشیدن آگاهلنتیرگن ایدی.