مملکت شمال و شمال شرق ولایتلری نینگ کوپینچه بولیمی طالبان نظارتی گه اوتگنیدن کیین، جمهوررئیس ایکینچی مرته بلخ ولایتی گه سفر قیلدی. مذکور سفر صورت تاپگن بیرحالده، بوندن آلدین جمهوررئیس مملکت سیاسی رهبرلریدن قطاری بیلن صحبت اوتکزگن ایدی.
سیاسی ایش بیلرمانلرنینگ ایشانچلریگه کوره، جمهوررئیس نینگ مملکت شمالی گه قیلگن سفری جناب غنی نینگ شمال اوروشی نی رهبرلیک قیلیش اوچون مملکت شمالیده ینگی دفاعی بیر قرارگاه ایجاد قیلیش اوچون حرکت قیلیشی نی کورستهدی.
سیاسی ایش بیلرمان حکیم ناظم نینگ ایتیشیچه، مملکت شمالیده ینگی قرارگاه ایجاد ایتیلیشی اوروش وضعیتی نی افغانستان حکومتی نینگ فایدهسیگه اوزگرتیرهدی.
بیزلرنینگ فیسبوک صحیفهمیزگه باش اورینگ!
جناب ناظم گه کوره، مملکت شمالی هر نقطهی نظردن استراتیژیک و حساس دیر و بو زون بوتونلی طالبان قولیگه سقوط قیلگن صورتده، مملکت اقتصادی نقطهی نظردن یمان بیر وضعیت گه قرار تاپیشی ممکن.
سیاسی ایش بیلرمانلردن باشقه بیری طارق فرهادی نینگ ایشانچی گه کوره، امنیتی وضعیت یخشیلنمهگن صورتده، طالبان تیزلیککه کابل گه هجوم قیلیشلری ممکن.
جناب فرهادی گه کوره، طالبان نظارتلریدهگی بندرلردن فایدهلنیش بیلن کابل نینگ اقتصادی لحاظ دن قمروگه آلالهدی.
جناب فرهادی نینگ ایتیشیچه، حکومت اقتصادی نقطهی نظردن کتته اهمیت گه ایگه بولگن حیرتان بندری نینگ طالبان نظارتی گه اوتیشی گه رخصت بیرمهیشی کیرهک.
سیاسی ایش بیلرمانلرنینگ ایشانچی گه کوره، افغانستان اهالیسی نینگ قوتقریش نی یالغیز یولی، تینچلیک مذاکرهلری نینگ تیزلشتیریش دیر؛ چونکه اوروش نی دوام تاپیشی مملکتده کتته انسانی فاجعه خلق قیلیشی ممکن.