بوگون “پنجشنبه” مملکت جمهور رئیسی محمداشرف غنی نینگ جمهورلیک ریاستیده ملی بیرق کونی مناسبتیده یولگه قوییلگن مراسمده ایتیشیچه، چیت‌ایللیکلر افغانستانی اوروش میدانی‌گه اوزگرتیریش‌نی ایسته‌یدی، لیکن تسلیم بولمه‌یمیز.
او، طالبان گروهی دن ملی منفعت‌ده تعهدلی بولگن حالده، مملکت نینگ ویران‌لیگی‌گه سبب بولمه‌یشینی سوره‌گن.
جناب غنی نینگ ایتیشیچه، یالغیز سیاسی یول آرقه‌لی مملکت نینگ حاضرگی قیین‌چیلیکلریدن چیقه آله‌میز و هیچ‌بیر تامان زورگه تسلیم بولمه‌یدی.
مملکت جمهور رئیسی‌گه کوره، اهالی کوچلی و قانون حاکم بولگن بیر حکومت‌نی ایسته‌یدی. اونینگ کوپه‌یتیریشیچه، وضعیت‌نی اوزگرتیریش اوچون حکومت‌نی واضح برنامه‌سی و کوچلی اراده‌سی بار و اهالی تیزلیک‌که گواه بوله‌دی.
سونگی پیت‌لرده مملکتده اوروش و زوروانلیک کوپه‌یگن بیر حالده، اوشبو صحبت‌لر بیان ایتیله‌دی.
