ملی مصالحه کینگشی نینگ رهبرلیک کمیته‌سی ییغینی، اوشبو کینگش تشکیلیدن ۷ آی اوتگنیدن سونگ، بوگون (شنبه، ۱۵ قوس) جمهورلیک ریاستیده بولیب اوتدی.
ملی مصالحه کینگش ییغینی نینگ آچیلیش مراسمیده، جمهور رئیس محمد اشرف غنی، داکتر عبدالله، سیاسی شخصیت‌لر، حزب‌لر رهبرلری، نماینده‌لر کینگشی اعضالری، عیاللر، مدنی فعاللری و اوشبو کمیته اعضالری اشتراک قیلگنلر.
اوشبو ییغینده مملکت جمهور رئیسی محمد اشرف غنی نینگ ایتیشیچه، تینچلیک سوزلشوولر خصوصده دواملی شکلده مصلحتی ییغین‌لر اوتکزیلیشی اونملی دیر.
جناب غنی، دوحه شهریده دولت هیأتی صفتیده تینچلیک مذاکره‌سینی آلغه آلیب باره‌دیگن هیأت‌لردن قدردانلیک بیلدیریب و تینچلیک سوزلشوولرنینگ ایکینچی مرحله‌سی باشلنگنیدن خبر بیرگن. اونینگ کوپه‌یتیریشیچه: «تینچلیک سوزلشوولرنینگ بیرینچی مرحله‌سی بو سوزلشوو آسان بولمه‌گنی‌نی اثبات قیلگن، لیکن یخشی نتیجه بیرگن.»
شونینگدیک، ملی مصالحه کینگشی باشلیغی داکتر عبدالله عبدالله نینگ ایتیشیچه، تینچلیک اوتمیش‌گه قیتیش معناسینی بیرمه‌یدی، بیرق قربانلیک بیریشگه نیاز بار.
جناب عبدالله گه کوره، تینچلیک‌نی بیرلیگ و بیرپارچه‌لیککه سبب بولیشی کیره‌ک. جناب عبدالله زوروانلیک‌لرنی تینچلیککه توسیق عنوان قیلیب و خلق نینگ قربانلیک بیرمسلیگی اوستیگه تأکید قیلگن.
جناب عبدالله نینگ ایتیشیچه، ملی مصالحه کینگشی رهبرلیک کمیته‌سی نینگ ایشگه باشله‌گنی ملی اجماع کوچلنیشی اوچون اونملی دیر و سیاسی کیلیشونامه‌گه کوره، دولت هیأتی صفتیده، مذاکره قیله‌دیگنلرنینگ اوشبو کمیته‌‌دن بویروغ آلیشی کیره‌ک.
اونینگ کوپه‌یتیریشیچه، اوروش دوام ایتیشی هیچ‌کیم نینگ قالیشینی تضمین قیلمه‌یدی، یالغیز افغانستان‌نی تخریب بولیشی‌گه سبب بوله‌دی.
عین‌حالده، افغانستان سابق جمهور رئیسی حامد کرزی نینگ ایتیشیچه، عالی ملی مصالحه ییغینی‌گه باشقه‌لرنی هم چقیریلیشی کیره‌ک ایدی. اونینگ کوپه‌یتیریشیچه، افغانستان یشاوچیلری باشقه‌لرنینگ هدف‌لری اوچون قربانلیک بیرگنلر و حاضر تینچلیک تامین بولیشی اوچون جدی صورتده سعی و حرکت قیلیش لازم.
ملی مصالحه کینگشی، جمهور ریئس محمد اشرف غنی و عبدالله عبدالله تامانیدن جاری ییل ثور آیی نینگ اداغی‌ده امضالنگن شرطنامه دن سونگ، ایجاد ایتیلدی، بیراق حاضرگچه هیچ‌قنده‌ی بیر یغیین اوتکزگن ایمس ایدی.
