بوگون قندهار ده بویوک ییغین باشلندی. اوشبو ییغینده دین عالم‌لری، قوم بویوک‌لری، سابق دولت نینگ قطار مسئوللری و باشقه اونلب کیشی اشتراک ایتگن.
افغانستان ملی تلویزیونی اوز توییتری ده یازیشیچه، مذکور ییغینده قریب ۳۰۰۰ دین عالمی، قوم بویوک‌لری، سیاستچیلر و قوم نماینده‌لری حصه قوشگنلر.
بیزلرنینگ فیسبوک صحیفه‌میزگه باش اورینگ!
ایتیلیشیچه، اوشبو ییغینده اسلامی امارت رسمی‌لری جمله‌دن اسلامی امارت رهبری هبت‌الله آخوندزاده هم اشتراک ایتیشی کوتیله‌دی. مذکور ییغین اوتکزیلیشیدن اصلی مقصد، اسلامی امارت دن حمایت قیلیش دییلگن.
اسلامی امارت نیچه کون آلدین «افغانستان عالم‌لری بویوک ییغینی» عنوانیده کابل ده بویوک ییغین یولگه قویلگن ایدی. اوشبو اوچ کون‌لیک ییغین یکونیده اشتراک ایتگنلر، ۱۱ ماده‌لیک بیر قطعنامه صادر قیلیب و افغانستان اسلامی امارت تیزیمیدن اوز آرقه‌داشلیکلرینی اعلام قیلدیلر.
بیزلرنینگ توییترده هم تعقیب قیلینگ!
قطعنامه اساسیده، ییغینده اشتراک ایتگنلر اسلامی امارت رهبری هبت‌الله آخوندزاده گه بیعت قیلیشگن. ایتیش کیره‌ک که اسلامی امارت نی حاضرگه قدر هیچ بیر مملکت رسمیت گه تانیمه‌گن.
