جوزجان مرکزی شبرغان شهری یشاوچیلریدن بیرقطاری نینگ ایتیشلریچه، اوشبو ولایت ده نادر قوش‌لر آوله‌نیب و پاکستان گه قاچاق بولیشی باعث، «باز» و «باشه» کبی قوش‌لر نسلی یوق بولماق ده دیر.
جوزجان یشاوچیلری، باغلیق اداره‌لردن اوشبو قوش‌لر آوله‌نیشی و قاچاقی آلدی آلینیشینی سوره‌یدیلر.
جوزجان یشاوچیسی سیدرسول سادات نینگ سلام‌وطندار گه ایتیشیچه، حاضر قاره بازار ده باز و باشه کبی نادر قوش‌لر سوداسی کوپه‌یگن. اونگه کوره، آوچیلر ماهرلیک بیلن اوشبو قوش‌لرنی بیر ولایت دن باشقه ولایت گه انتقال بیریب و کیین ایسه پاکستان گه قاچاق شکلده انتقال بیره‌دیلر.
بیزلرنینگ فیسبوک صحیفه‌میزگه باش اورینگ!
جوزجان یشاوچیلری حاضرگی احوال دن خواطر بیلدیریب ایتیشلریچه، باغلیق اداره‌لر مذکور ولایت ده تیزلیک بیلن نادر قوش‌لر آوله‌نیشی گه توسیق بولمه‌گن حالده، جوزجان ده اوشبو قوش‌لر نسلی یوق بولیشی ممکن.
جوزجان یشاوچیلریدن باشقه بیری اکرم بیک نینگ ایتیشیچه، ماهر آوچیلردن بیرقطاری چیت ایل دن افغانستان گه کیلیب و ایچکی آوچیلر بیلن بیرگه باز و باشه کبی نادر قوش‌لرنی آولب و پاکستان گه قاچاق قیله‌دیلر. او نینگ ایشانچی گه کوره، آوچیلر نایاب قوش‌لرنی پاکستان گه قاچاق قیلیشیدن کیین بیرلشگن عرب امیرلیگی گه انتقال بیریب و او ییرده یوقاری نرخ ده ساته‌دیلر.
جوزجان ده نادر قوش‌لر آوچیلریدن مستعار اسملی نعمت‌الله گه کوره، ایکی ییل دن بویان قوش آوله‌ماقده. او نینگ ایتیشیچه، افغانستان نینگ نادر قوش‌لری کوپراق چیت ایل‌لیکلر تامانیدن ساتیب آلینه‌دی. اونگه کوره، نادر قوش‌لر قیمت دیر و سیار قاره بازار ده بیش مینگ دن ۱۰ مینگ امریکالیک دالر ساتیله‌دی.
شو بیلن بیرگه، جوزجان یشش محیط نی اسره‌ش ریاستی مسئوللری اوشبو ولایت ده نادر و بومی قوش‌لرنی آولش تقیق‌لنگن و آوچیلر بیلن قانونی یانده شیلیشینی ایته‌دیلر.
بیزلرنینگ توییترده هم تعقیب قیلینگ!
جوزجان یشش محیط نی اسره‌ش ریاستی نینگ عامه‌وی اخبارات مسئولی محمدعارف یاردم گه کوره، بیلیب یا بیلمس دن باز و باشه کبی نادر قوش‌لرنی آولب و قاچاق قیلگنلر بیلن جدی یانده شه‌دیلر. او نینگ ایتیشیچه، مذکور ریاست تامانیدن بوتوغریده آگاهی‌لیک برنامه‌سی یولگه قوییلگن.
یاردم، جوزجان یشاوچیلریدن بوتوغریده مسئوللر بیلن همکارلیک قیلیب و قوش آوچیلرینی کورگن حالده، مسئوللر گه خبر بیریش‌لرینی ایسته‌یدی.
عین‌حالده، اوتگن ییل‌لرده حیات وحش مسئوللری، بومی حیوان‌لر و نادر قوش‌لر آوله‌نیب و قاچاق ایتیلیشیدن خواطر بیلدیریب بوتوغریده دقت قیلینمه‌گن تقدیرده، افغانستان ده اوشبو حیوان‌لر و قوش‌لر نسلی یوق بولیشیدن آگاه‌لنتیرگن ایدیلر.
