مدافعه وزیرلیگی نینگ سرپرستی محمدیعقوب مجاهد، بوگون اسلامی امارت نینگ رهبر و اساسچیسی ملا محمد عمر نینگ وفاتی توقیزینچی ییل‌لیگیدن نشانلش ییغینده ایتیشیچه، ملا محمد عمر، شمال، جنوب، شرق، غرب و افغانستان بوتون قوم‌لرینی متحد قیلیب و افغانستان‌نی ریجه‌لشتیریلگن بولینیشیدن قوتقردی.
مدافعه وزیرلیگی نینگ سرپرستی گه کوره، افغانستان‌نی بولیش اوچون ایریم جریان‌لر تامانیدن دسیسه‌لر یولگه قوییلگندی و حاضر هم دوام ایتماقده؛ بیراق ملا محمدعمر افغانستان‌نی بولینیشدن قوتقردی.
بیزلرنینگ فیسبوک صحیفه‌میزگه باش اورینگ!
جناب مجاهد نینگ کوپه‌یتیریشیچه، ملا محمد عمر امکانیت‌سیزلیک بیلن «اشغال» برابریده غالب بولدی و هیچ زمان مملکت‌دن چیقمه‌دی.
اوشبو ییغینده مدافعه وزیرلیگی نینگ سرپرستی گه کوره، افغانستان امنیتی اوچون دقت قیلیشه‌دی و خوست و کنر ولایت‌لریده پاکستان نینگ سونگی هجوملری، بعضی ملی مسئله‌لر گه باغلیق دیر.
باشقه تاماندن اسلامی امارت باش وزیری نینگ ایکینچی اورین باسری عبدالسلام حنفی نینگ ایتیشیچه، ملا عمر «قومی تعصب‌لر» و اسلام‌گه قرشی عنعنه‌‌لرنی یوق ایتدی.
جناب حنفی نینگ کوپه‌یتیریشیچه، افغانستان‌دن باشقه مملکت‌لرگه هجوم بولمه‌یدی و باشقه مملکت‌لر هم افغانستان‌گه قرشی اولکه‌لریدن هجوم بولمسلیکنی ایسته‌یدیلر.
اسلامی امارت باش وزیری نینگ ایکینچی اورین باسری اوز سوزلری دوامیده ایتیشیچه، حاضر افغانستان بویلب بنگوار ماده‌لرینی ایشلب چیقاریش و قاچاقی آلدی آلینگن.
بیزلرنینگ توییترده هم تعقیب قیلینگ!
اسلامی امارت رسمی‌لری بیرینچی مراتبه، ملا محمدعمر نینگ وفاتی ییل‌لیگیدن کابل‌ده نشانله‌یدیلر. ملا محمدعمر نینگ اولیمی ۱۳۹۴-ییل‌ده آشکار بولیب و او ایکی ییل آلدین اولگنلیگینی ایتیلدی؛ اما اسلامی امارت نیچه ییل‌دن کیین اونینگ اولیمینی تصدیقله‌دی.
اوشبو ییغینده اسلامی امارت سوزلاوچیسی ذبیح‌الله مجاهد نینگ ایتیشیچه، ملا محمدعمر توبرکلوز کسلیگی باعث عالمدن اوتگن. مجاهد نینگ کوپه‌یتیریشیچه، اولر نسل‌لر بویلب ملا عمر یولینی دوام بیریشلرینی ایسته‌یدیلر.
