لبنان ساغلیقنی سقلش وزیرلیگینینگ اعلام قیلیشیچه، اوشبو مملکت بیر قطار بولیملریگه اسرائیلنینگ اویوشتیرگن هجوملریده، کمیده ۱۱ کیشی اولیب و باشقه ۱۹ کیشی یرهلنگن.
خلقارا ییتکرمهلرنینگ بوگون (۲۵-اسد/۱۶-اگست، یکشنبه)، گزارش بیریشیچه، اسرائیل لبنان جنوبیده نیچه شهر و قیشلاقنی نشانگه آلگن.
بو بیلن بیرگه، حزبالله بیر بیانیه آرقهلی لبنان دولتیدن اسرائیل بیلن «حقارت قیلووچی توغریدن-توغری مذاکرهلر» نی توختهتیش و بوندن بویان امریکا واسطهچیلیگیگه ایشانمسلیکنی طلب قیلگن.
حزبالله، لبنان جنوبینینگ بیر قطار بولیملر نشانگه آلینیشیگه عکسالعمل بیلدیریب و آگاهلنتیریشیچه، اسرائیل «یخشیراق جواب» بیلن روپهره بولیشی ممکن.
اسرائیل اردوسینینگ اعلام قیلیشیچه، نبطیه و انصار ده حزبالله گه تیگیشلی آستقورمهلرنی نشانگه آلگن.
اسرائیل و حزبالله آرهسیدهگی توقنشوولرنینگ ینگی تولقینی، جاری ییل مارچ آییدن باشلهنیب و حاضرگچه اسرائیل اویوشتیرگن هجوملریده مینگلرچه کیشی لبناننینگ بیر قطار بولیملریده اولیب و یرهلنگن.
