اتریش پایتختی ویانا شهری ده، اسلام امیرلیگی گه قرشی سیاسی سیمالردن بیرقطاری نینگ حضوری بیلن ویانا ایکینچی دور ییغیلیشی باشلنگن، اوشبو ییغیلیش ده افغانستان ده‌گی سیاسی وضعیت و مذکور ییغیلیش اعضالری اورته‌سیده‌گی ایشانچ‌نی مستحکم‌لش اوستیده بحث ایتیلیشی کوتیله‌دی.
ویانا ییغیلیشی ده، سابق حکومت رهبرلری و سیاسی فعال‌لردن قریب ۳۰ کیشی خلق‌ارا اتریش انستیتوتی میزبان‌لیگی بیلن توپلنگنلر؛ ملی مقاومت جبهه‌سی بیر بیانیه ترقه‌تیب ایتیشیچه، مذکور ییغیلیش دن اساسی مقصد اسلام امیرلیگی گه قرشی جریان‌لر اورته‌سیده ایشانچ‌نی مستحکم‌لش دیر.
بیراق سیاسی ایش بیلرمان‌لر، اوشبو ییغیلیش افغانستان ده‌گی وضعیت اوستیگه تأثیر قیلمه‌ی و ییغیلیش ده اشتراک ایتگن‌لر نینگ ناکام کیشی‌لر عنوان قیلگنلر.
بیزلرنینگ فیسبوک صحیفه‌میزگه باش اورینگ!
سیاسی مسئله‌لر ایش بیلرمانی محمدسلیم پیگیر، مذکور ییغیلیش ده اشتراک ایتگن سیمالر نینگ ناکام دیب ایتیشیچه، افغانستان وضعیتی گه دایر خارجی‌لر خواستی بیلن یولگه قوییله‌دیگن ییغیلیش‌لر افغانستان وضعیتی و یشاوچیلری نینگ تقدیری اوستیگه تأثیر قیلمه‌یدی.
اونگه کوره: «بو گَل ییغیلیش‌لر افغانستان وضعیتی اوستیگه تأثیر قیلمه‌یدی، خارجی اولکه‌لر خواستی بیلن یولگه قوییله‌دیگن ییغیلیش‌لر افغانستان خلقی و وضعیتی اوستیگه تأثیر قیلمه‌یدی. غربی اولکه‌لر اولرنی مصروف قیلیشنی ایسته‌یدی، قوشنی مملکت‌لر و دنیا همجمعیت اولر نینگ هیچ بیر سوزی گه اعتبار بیرمه‌یدی.»
باشقه تاماندن، سیاسی مسئله‌لر ایش بیلرمانی سیدضیا حسینی، جهانی تعامل اوچون مذکور ییغیلیش‌لرنی نتیجه‌سیز دیب ایتیشیچه، دنیا همجمعیت نی قانیقتیره‌دیگن ییغیلیش‌لر نینگ تأثیری بولیشی ممکن.
او نینگ کوپه‌یتیریشیچه: «ایکی اساسی نکته مسلم و آچیق دیر، اوشبو ییغیلیش ده قریب ۳۰ سیما اشتراک ایتگن، دنیا همجمعیت نی قنچه‌لیک قانیقتیره آله‌دی حاضرگچه بو ایش گه اولگوریشمه‌گن، اولر نینگ اساسی مقصدی چیت ایل ده‌گی افغانستان‌لیک سیاسی سیمالر اورته‌سیده ایشانچ‌نی مستحکم‌لش دیر.»
شونینگدیک، سیاسی ایش بیلرمان‌لردن باشقه بیری طارق فرهادی نینگ ایتیشیچه، بو ییغیلیش‌لر دنیا همجمعیت تامانیدن قوللب_قوتلنگن حالده تأثیری بولیشی ممکن.
بیزلرنینگ توییترده هم تعقیب قیلینگ!
اونگه کوره: «افغانستان دن تشقری بولیب اوته‌دیگن ییغیلیش‌لر، دنیا همجمعیت تامانیدن حمایت بولگن تقدیرده کوپراق تأثیر قیله‌دی.»
اوشبو ییغیلیش گه دایر اسلام امیرلیگی رسمی‌لری نینگ فکر_ملاحظه‌سینی اورگه‌نیش اوچون تلاش قیلدیک لیکن اولگوره آلمه‌دیک، بیراق مذکور ییغیلیش بیرینچی دوری ۱۴۰۱_ییلی ۲۴ سنبله ده یولگه قوییلگن ایدی؛ اسلام امیرلیگی تشقی ایشلر وزیرلیگی نینگ سرپرستی امیرخان متقی، بو گَل ییغیلیش‌لر نتیجه بیرمسلیگی اوچون تشویش قیلمسلیک‌لرینی ایتگن ایدی.
