اسلامی امارت سرپرست حکومتی بوگون (جمعه، ۱۵ میزان)، «افغانستان گه آمریکا و متحد‌لری تهاجمی نینگ ۲۱-ییل‌لیگی» مناسبتی گه ینه بیر مرته اعلام قیلگن که افغانستان هیچ بیر مملکت گه تهدید ایمس «و شونینگدیک افغانستان توپراغیدن باشقه مملکت‌لر گه قرشی قوللنیشی گه رخصت بیریلمه‌دی.»
اوشبو اعلامیه نی اسلامی امارت سوزلاوچیسی ذبیح‌الله مجاهد، بوگون اوز تویتر صحیفه‌سیده یازگن دیر. اعلامیه ده یازیلگن که: «۲۱ ییل آلدین، اوشبو کونده (۱۵ میزان/۷ اکتبر) آمریکا دولتی سبب‌سیز بیر شکلده افغانستان نی حربی هجوم آستیده قرار بیردی. مذکور شفقت‌سیز هجوم نتیجه‌سیده، مظلوم و بیچاره اهالی‌میز مشروع بیر توزوم‌دن محروم و قیین‌چیلیک‌لر، شهادت‌لر، یره‌لر و مهاجرت‌لر بیلن روپه‌ره بولدیلر.»
بیزلرنینگ فیسبوک صحیفه‌میزگه باش اورینگ!
اسلامی امارت، باشقه مملکتلردن افغانستان برابریده دشمن‌لیک موقف توتمه‌ی و اوشبو مملکت نینگ امنیتی، برقرار‌لیگی و اقتصادی ترقیاتی خصوصیده چیکلاو یره‌تمه‌یش‌لری نی ایسته‌گن.
اعلامیه‌ده کیلگن که: «افغانستان اسلامی امارتی ینه بیر مرته اعلام قیله‌دی که، افغانستان هیچ بیر مملکت اوچون تهدید ایمس و شونینگدیک توپراغی‌میزدن هیچ بیر مملکت گه قرشی قوللنیلمه‌یدی. بیراق عکسینچه‌سی باشقه مملکت‌لر هم افغانستان برابریده دشمن‌لیک موقف توتمه‌ی و برقرار‌لیک، امنیت و اقتصادی‌میز نینگ ترقیاتی برابریده چیکلاو یره‌مه‌سین‌لر.»
بیزلرنینگ توییترده هم تعقیب قیلینگ!
ایتیش کیره‌ک که، بوندن آلدین هم سرپرست حکومت، باشقه مملکتلردن شونگه اوخشه‌گن نرسه‌لر نی ایسته‌گن و نیچه مرته افغانستان نینگ باشقه مملکت‌لر گه تهدید بولمه‌گنی نی بیان قیلگن.
بیراق دنیا جماعه‌سی افغانستان ده اسلامی امارت نینگ قیته قدرت گه ایریشگنیدن کیین، اوشبو مملکت‌ده هراس‌افگن گروه‌لر فعالیتی کوپه‌یشیدن خواطرده دیر.
