افغانستان پایتختی کابل شهری ده آمریکا نینگ هوایی هجومی نتیجه‌سیده القاعده رهبری ایمن الظواهری اولدیریلیشیدن کیین، بوگون اسلامی امارت عکس‌العمل کورستدی.
اسلامی امارت سوزلاوچیسی ذبیح‌الله مجاهد، بوگون توش دن کیین (پنجشنبه، ۱۳ اسد) بیر بیانیه ترقه‌تیب کابل ده القاعده ییتکچیسی ایمن الظواهری نینگ کیلیشی و حضوری دن خبرلری یوق‌لیگینی بیلدیردی.
اوشبو بیانیه ده اسلامی امارت سرپرست حکومتی، کشفی و استخباراتی اداره‌لرگه کابل شهری ده یشش بیر اوی ده آمریکا نینگ اوچووسیز اوچاقی هجومی گه دایر تیکشیریش بویروغینی بیرگنی قید ایتیلگن.
بیزلرنینگ فیسبوک صحیفه‌میزگه باش اورینگ!
بیانیه اساسیده، افغانستان باشقه مملکت‌لر اوچون خطر ایمس و اسلامی امارت دوحه بیتیمی گه تعهدلی دیر.
اسلامی امارت مذکور بیانیه ده، آمریکا نینگ هوایی هجومینی قاره‌لب و اونی افغانستان حریمینی نقض قیلیش و خلق‌ارا قانون_قاعده‌لری گه قرشی عنوان قیلگن. شونینگدیک بیانیه ده کیلیشیچه، آمریکا دوحه بیتیمی گه تعهدلی بولیشی کیره‌ک.
عین‌حالده، اسلامی امارت سرپرست حکومتی، بو گَل هجوم‌لر تکرار بولگن تقدیرده عاقبتی آمریکا زمه‌سیگه دیه آگاه‌لنتیرگن.
بیزلرنینگ توییترده هم تعقیب قیلینگ!
بو عین‌حالده، آمریکا قوشمه ایالت‌لری نینگ جمهور باشلیغی جوبایدن اوشبو هفته دوشنبه کیچه، افغانستان پایتختی کابل شهری ده القاعده رهبری ایمن الظواهری آمریکا حربی کوچلری نینگ اوچووسیز اوچاقی آرقه‌لی نشانگه آلینیب اولدیریلیشینی اعلام قیلدی.
