اسلامی امارتی نینگ مالیه وزیرلیگی ۱۴۰۱- ییل مالی بودیجه لایحه‌سی نی ایچکی درآمدلر بیلن تیار قیلگنی دن خبر بیرگن. اوشبو وزیرلیک نینگ ایتیشیچه، سونگی ایکی دهه‌دن کیین بو بیرینچی مرته که ملی بودیجه تشقی یاردم‌لر گه ته‌ینمسدن تیارقیلینگن.
مالیه وزیرلیگی نینگ سوزلاوچیسی احمد ولی حقمل، فرانسه خبرگزارلیگی بیلن اوتگزگن سوزلشوویده، کیله‌جک ییل نینگ ملی بودیجه‌سی ایچکی درآمدلر بیلن تامین بولیشی ممکن، دیگن؛ گرچند بودیجه لایحه‌سی نینگ محتواسی توغریسیده معلومات بیرمه‌ی، بیراق ایتیشیچه، مذکور لایحه ترقه‌لمسدن آلدین، اسلامی امارت کابینه‌‌سی گه تصویب بولیش اوچون یوباریلگن.
بیزلرنینگ فیسبوک صحیفه‌میزگه باش اورینگ!
شونینگدیک مالیه وزیرلیگی نینگ سوزلاوچیسی افغانستان ملی تلویزیونی بیلن اوتگزگن اوچره‌شوویده ایتیشیچه، اسلامی امارت مسئول‌لری ۱۴۰۱- ییل ملی بودیجه‌سی نی مملکت ایچکی درآمد‌لریدن تامین‌قیلینیشی خصوصیده سعی و حرکت قیلماقده‌لر و بو ایش نی قیله‌آله‌میز دیب، توشینه‌دیلر.
عین حالده که، اسلامی امارت حاکمیت گه ایریشیشی بیلن، غربی مملکت‌لر افغانستان سرمایه‌لریدن میلیاردلرچه دالر نی تشقی مملکت‌لرده توخته‌تگن، و شونینگدیک بو مملکت دنیا تامانیدن اجره‌تیلگن مالی یاردم‌لر گه قول تاپیشی هم کیین گه قالدیریلگن.
باشقه تاماندن، دولت ایشلاوچی‌لری حاضرگچه سونگی نیچه آی‌لیک حقوقی نی قول‌گه کیلتیرمه‌گنلر. شونده‌ی بیرحالده، مالیه وزیرلیگی نینگ اورغولشیچه، ایشلاوچی‌لر نینگ قالگن حقوقی بوییل نینگ یکونلنیشی‌گچه جبران بولیب، کیله‌جک ییل نینگ ینگی طرحی اساسیده توله‌نیشی اوچون سعی و حرکت‌لری نی دوامی بار.
اوتگن آی مالیه وزیرلیگی نینگ عواید ریاستی، سونگی ایکی آی ده ایچکی درآمد‌لردن کمیده ۲۶ میلیارد افغانی توپلگنی نی اعلام قیلگن ایدی، و مذکور میزان کوپه‌یماقده دیب اعلان قیلگن.
اسلامی امارت تامانیدن ملی بودجه، تشقی یاردم‌لر گه ته‌ینمسدن تیارله‌گنلری دن شوندی بیرحالده خبری بیره دی‌لر، که ۱۴۰۰ ییل مالی بودجه‌سی سابق حکومت تامانیدن، ۴۷۳ میلیارد افغانی نظرگه آلینگن ایدی، و مذکور بودجه دن ۲۱۶ میلیاردی افغانستان ایچکی قایناق‌لریدن و قالگنی ایسه تشقی یاردملرگه ته‌ینیب تامین‌له‌گن ایدی.