اسلام امیرلیگی باش وزیرلیگینینگ سرمایه کیریتیش کمیتهنینگ نوبتی ییغیلیشیده، کابل شهریده زمانهوی بیر سودا مرکزی قوریلیشی و چیقیندیلردن برق ایشلب چیقریش ایشخانه ایجاد ایتیلیش مسئلهسی بحث گه آلینگن.
اسلام امیرلیگی باش وزیرلیگینینگ اقتصادی اورین باسرلیگی، بوگون (۱۹ حمل/۸ اپریل، چهارشنبه) ایکس صحیفهسیده بیر بیانیه ترقهتیب، اوشبو ییغیلیشده کابل شهری بیرینچی ناحیهسیده زمانهوی شکلده بیر سودا مرکزی قوریلیشی، چیقیندیلرنی کویدیریش و پروسس قیلیش بیلن برق ایشلب چیقریش ریجهسی بحث گه آلینگن.
بیانیه گه کوره، شونینگدیک بلخ، هرات و قندهار ولایتلریده تراکتور و ایکینچیلیک واسطهلرنی ایشلب چیقریش مسئلهلری حقیده بحث ایتیلگن.
اقتصادی اورین باسرلیگی بیانیهسیده، بو ریجهلر تیگیشلی ادارهلر تامانیدن تخنیکی و اقتصادی کوریب چیقیلگنیدن سونگ، اسلام امیرلیگی باش وزیرلیگینینگ سرمایه کیریتیش کمیتهسی بیلن شریک قیلینیشی سورهلگن.
