ایران سپاه پاسداراننینگ اعلام قیلیشیچه، اوتگن ۲۴ ساعتده هرمز بوغوزیدن ۲۶ کیمهنینگ اوتیشی نی هماهنگ قیلیب و اوشبو سوو یولیده قتناونی یالغیز سپاهنینگ دینگیز کوچی هماهنگلیگی و رخصت بیریشی بیلن عملگه آشیریلیشیگه اورغولهگن.
ایسنا آژانسی آرقهلی ترقهتیلگن بیانیه اساسیده، سپاه پاسداراننینگ ایتیشیچه، امریکا تامانیدن ایران بندرلری محاصره بولگنی بیرحالده، ینه هم هرمز بوغوزی نظارتی اختیاریده دیر.
شوندهی بیرحالده، «ایران خلیج فارس بوغوزی تشکیلاتی» اوز نظارتی آستیدهگی دینگیز حدودی نقشهسینی اعلام قیلگن. اونگه کوره، کیمهلر رخصت بیریلمسدن اوشبو حدوددن اوته آلمهیدی. بو حدود شرقده ایران دهگی مبارک تاغیدن فجیرهنینگ جنوبیگچه، غربده ایسه قشم جزیرهسیدن ام القومینگچه اوزهیگن.
۲۸-فبروری ده ایران گه قرشی امریکا و اسرائیل اوروشی باشلنگنیدن آلدین، دنیانینگ انرژی صادراتیدن قریب ۲۰ فایزی هرمز بوغوزیدن اوتهر ایدی. توقنشوولر باشلنگنیدن کیین، ایران مذکور سوو یولینی یاپیب و شونینگدیک امریکا هم ایران بندرلرینی محاصره قیلیش بیلن اوشبو مملکت نفت صادراتینی نشانگه آلگن.
