سیاسی ایش‌بیلرمان‌لر نینگ ایتیشیچه، اسلامی امارت نینگ رسمیت گه تانیلیشی، افغانستان ده حکومتدارلیک بوییچه اولر نینگ عمل‌لریگه باغلیق.
اولر نینگ ایتیشیچه، طالبان اوز تعهدلری‌گه، که همه شمول بیر حکومت ایجاد ایتیلیشی دیر، عمل قیلمسه‌لر، دنیا اسلامی امارت نی رسمیت گه تانیمه‌یدی.
افغانستان ایشلری بوییچه، روسیه مخصوص نماینده سی ضمیر کابلوف نینگ ینگی‌لیکده ایتیشیچه، اسلامی امارت تامانیدن افغانستان ده همه شمول دولت قوریلمسه، اسلامی امارت سیاسی قدرت گه ایگه بوله‌آلمه‌یدی.
بیزلرنینگ فیسبوک صحیفه‌میزگه باش اورینگ!
کابلوف نینگ ایتیشیچه، مملکت سیاسی اوزگریش‌لری افغانستان ده‌گی همه قوم‌لرنینگ اشتراکی نی مهم دیب بیله دی.
عین حالده بعضی سیاسی ایش‌بیلرمان‌لر نینگ ایتیشچه، اسلامی امارت رسمیت گه تانیلیشی اوچون، همه شمول بیر دولت قوریلیشی، دنیا اساسی شرطلری دن بیر دیر.
سیاسی ایش‌بیلرمان جواد حسینی نینگ سلام وطندارگه ایتیشچه، اسلامی امارت سیاسی تیزیم اورنه‌تیشی اوچون دنیا و افغانستان خلقی نینگ ایستکلری گه تن بیرسین‌لر.
«اسلامی امارت گه مثبت تامانی دن قره‌مه‌یدیگن گروه‌لرگه بیر بهانه بوله دی. بو وضعیت دن فایده‌لنسین‌لر و لابی‌گرلیک قیلسین‌لر. افغانستان ده هم، ملت همه شمول حکومت قوریلیشی نی ایسته‌یدی. اگر همه شمول حکومت قوریلمسه، بو مملکت یشاوچی‌لر ناخوش بولیب شکایت قیله باشله‌یدی‌لر، چونکه ایستکلری گه توجه بولمه‌گن.»
ایش‌بیلرمان‌لردن باشقه سی مهدی افضلی نینگ سلام وطندارگه ایتیشیچه، اگر طالبان نینگ بجرگن ایشلری دنیا ایستکلری اساسی گه بولمسه، اسلامی امارت نینگ اصلی حمایتچی‌لری هم اولر نی حمایت قیلمه‌ییشی ممکن.
«طالبان بیلن بیرلشگن، پاکستان‌لیکلر شامل، روس‌لر و بولر بیلن بیر بولگن چین‌لیکلر هم بولرنی رسمیت گه تانیمه‌یدی. طالبان نی رسمیت گه تانیلمسلیگی، طالبان نینگ مشروعیت گه تانیلیش اوچون ییترلی شرطلری یوق دیب توشینیله دی.»
سابق تیزیم سقوط قیلیشی و اسلامی امارت حاکمیت گه ایریشگنی دن سونگ، طالبان نی رسمیت گه تانیلیشی اوچون دنیا ییغین‌لری نینگ مهم موضوع‌لریدن بیری‌گه ایله‌نگن. اما تورت آی اوتیشی بیلن، هنوزهم اسلامی امارت و بولر نینگ حکومتی نی تقدیری نیمه بولیشی بیللی ایمس.