ملی مصالحه عالی کینگش باشلیغی داکتر عبدالله عبدالله نینگ ایتیشیچه، طالبان اوروش آرقه‌لی غالب چیقیش‌لرینی توشونگن بیرحالده، اولر خطا قیلگن.
عبدالله عبدالله آنتالیا دیپلماسی مجمعی گه شرکت قیلیش اوچون ترکیه کیتگن. او، رسانه بیلن صحبت اوتکزیب ایتیشیچه، قطار نشانه‌لر طالبان نینگ افغانستان سیاسی بحرانی حل ایتیلشی گه میل‌لری یوقلیگی نی کورسته‌دی.
جناب عبدالله گه کوره، طالبان شاید اوزلرینی جسور دیب توشونسه‌لر و اولردن قطاری نینگ ایشانچی گه کوره، چیت‌ایللیک کوچلرنینگ چیققنیدن کیین حربی یولدن فایده‌لنیش گه حرکت قیلیش‌لری ممکن. بونده‌ی بولمه‌گن صورتده اولر نیگه مذاکره‌لرگه جدی شکلده شرکت قیلمه‌یدی؟
بیزلرنینگ فیسبوک صحیفه‌میزگه هم باش اورینگ!
بیراق طالبان بو ادعالرنی رد قیلگن. قطر ده طالبان سیاسی دفتری سوزلاوچیسی محمد نعیم نینگ ایتیشیچه، بو گروه هر دایم موضوعلر مذاکره آرقه‌لی حل ایتیلیشی نی ایسته‌گن.
اونینگ اورغولشیچه، شو یوزه‌دن اولر آمریکا و افغانستان دولت هیأتی بیلن مذاکره باشله‌گن و شونینگدیک بو مذاکره‌لر دوام تاپیشی ممکن.
طالبان سوزلاوچیسی گه کوره، بیر تامانلمه سوزلشوو نتیجه بیرمه‌یدی و ایکی تامان جدی حرکت قیلیب و جدی اراده کورسه‌تیشی کیره‌ک.
زوروانلیکلر کمه‌یشی دوحه ده آمریکا و طالبان گروهی آره‌سیده امضالنگن کیلیشوونامه نینگ اونملی بیر بولیمی بولگن بیرحالده، بیراق مملکتده اوروش و زوروانلیکلر میزانی کوپه‌یگن.
ملی مصالحه عالی کینگش باشلیغی نینگ ایتیشیچه، افغانستان موضوعی حربی یولدن حل بولمه‌یدی.
بیزلرنینگ توییترده هم تعقیب قیلینگ!
آمریکا و ناتو حربی‌لری نینگ افغانستان چیقیشی تاریخی اعلام ایتیلگن بیرحالده، بو مملکت وضعیتی یمان بولیشی توغریسیده خواطرلر کوپه‌یگن.
چیت‌ایللیک کوچلر افغانستان نی ترک قیلمه‌سیدن آلدین ترکیه افغانستان تینچلیک ییغینی گه میزبان بولیشی کوتیب توریلگن ایدی، بیراق بو ییغین حاضرگچه یولگه قوییلمه‌گن.
ملی مصالحه عالی کینگش باشلیغی نینگ ایتیشیچه، بو ییغین یولگه قوییلیشی لغو بولمه‌گن. اونینگ کوپه‌یتیریشیچه، افغانستان دولتی و طالبان جدی مذاکره گه حاضر بولگن بیرحالده، ترکیه بو ییغین دن میزبانلیک قیلیش نی ایسته‌یدی.
باشقه بیر تاماندن افغانستان تینچلیگی بوییچه آمریکا خاص نماینده‌سی زلمی خلیل‌زاد نینگ ایتیشیچه، طالبان گروهی حربی یول نی تنله‌گن بیرحالده، منزوی بولیشی ممکن.
جناب خلیل‌زاد بوندن آلدین آلمان نینگ شپیگل مجله‌سی بیلن صحبت اوتکزیب، طالبان حربی یولدن غالب چیمه‌سلیکلرینی بیله‌دیلر دیگن ایدی.
جناب خلیل‌زاد نینگ ایشانچی گه کوره، طالبان تینچلیک و اوروش دن بیری نینگ تنله‌شلری کیره‌ک و اونینگ ایشانچی گه کوره، ترکیه ییغینی ده بیللی بوله‌دی بو گروه اوروش نی تنله‌یدیمی یا هم سوزلشوو آرقه‌لی افغانستان اوروش یکونله‌نیشی اوچون حرکت قیله‌دیمی؟