طالبان تشقی ایشلر وزیرلیگی سرپرستی امیرخان متقی، صنعت و سوداگرلیک سرپرست وزیری نورالدین عزیزی نینگ تانیشتیریش جلسه‌ده ایتیشیچه، حاضر ۲۰۰۰- ییل ایمس و اسلامی امارت نینگ دنیا بیلن چقور علاقه‌سی بار.
اونگه کوره، افغانستان ده تینچلیک و برقرارلیک تأمین‌لنیشی قوشنی مملکتلر و دنیا نینگ منفعتی گه دیر و اسلامی امارت دنیا جماعه‌چیلیگی بیلن یخشی علاقه قوریش نی ایسته‌یدی و ایشانچ بیره‌دی که افغانستان تامانیدن هیچ کیم تهدید بولمه‌یدی.
تشقی ایشلر وزیرلیگی سرپرستی نینگ اورغولشیچه، نظام گه بیرار کم‌چیلیگی بولگن صورتده، زمان اوتیشی بیلن حل ایتیلیشی ممکن.
ایشلر اداره‌سی سرپرستی مولوی‌احمد جان نینگ مذکور جلسه‌ده ایتیشیچه، اشغال دوره‌سی کیتگن و مملکتده اسلامی حکومت برقرار ایتیلگن. او، برچه سوداگرلر و صنعتچیلر مملکت نی قیته قوریش اوچون اسلامی و ملی وظیفه‌لریگه عمل قیلیش‌لری توغریسیده امید بیلدیرگن.
بیزلرنینگ فیسبوک صحیفه‌میزگه باش اورینگ!
اسلامی امارت رئیس‌الوزراسی نینگ اورین‌باسری عبدالسلام حنفی، صنعت و سوداگرلیک سرپرست وزیری نینگ تانیشتیریش جلسه‌ده ایتیشیچه، اقتصادی وضعیت یخشی‌لنیشی اوچون سعی و حرکت قیلینیشی گه علاوه، کابل و باشقه ولایت‌لرده امنیتی وضعیت یخشی‌لنیشی اوچون برنامه‌لری بار.
او برچه یشاوچی‌‌لردن طالب آدرسیدن بیرار ضرر کورگن صورتده، بو موضوع تیکشیریلیشی اوچون اسلامی امارت مسئوللری گه همکارلیک قیلیش‌لرینی سوره‌گن.
