بوگون “سه‌شنبه” معلومات و مدنیت وزیرلیگی اورین باسری ذبیح‌الله مجاهد، کابلده خبری بیر ییغین اوتکزیب اسلامی امارت کابینه‌سی نینگ قالگن اعضالرینی اعلان قیلدی.
بیزلرنینگ فیسبوک صحیفه‌میزگه باش اورینگ!
ذبیح‌الله مجاهد نینگ اعلان قیلیشیچه، حاجی نورالدین عزیزی صناعت و سوداگرلیک وزیرلیگی سرپرستی صفتیده تعیین‌لنگن. ایتیلیشیچه، نورالدین عزیزی پنجشیر یشاوچی‌سی دیر. بغلان یشاوچی‌سی بولمیش محمدبشیر اسلامی امارت تامانیدن صناعت و سوداگرلیک وزیرلیگی نینگ بیرینچی اورین باسری و محمدعظیم سلطان‌زاده اوشبو وزارت ایکینچی اورین باسری صفتیده تعیین‌لنگن.
قلندر عباد اسلامی امارت تامانیدن ساغلیق‌نی سقلش وزیرلیگی نینگ سرپرستی و عبدالباری عمر و محمدحسن غیاثی اوشبو وزارت اورین باسرلری صفتیده تعیین‌لنگنلر.
شونینگدیک، ملامحمد ابراهیم ایچکی ایش‌لر وزیرلیگی نینگ امنیتی اورین باسری و نظرمحمد مطمین ملی المپیک کمیته‌سی سرپرستی صفتیده تعیین‌لنگنلر.
مجیب‌الرحمان عمر، سوو و برق وزیرلیگی نینگ اورین باسری، غلام‌غوث طبیعی حادثه‌لرگه قرشی کوره‌ش وزیرلیگی اورین باسری، محمدفقیر مرکزی احصاییه سرپرستی، گل‌محمد و گل‌زرین کوچی اقوام و قبایل وزیرلیگی اورین باسرلری، ارسلا خروتی مهاجرلر وزیرلیگی اورین باسری، لطف‌الله خیرخواه عالی اوقوو وزیرلیگی نینگ مسلکی اورین باسری و نجیب‌الله اتمی اداره‌سی نینگ رییسی صفتیده اسلامی امارت تامانیدن تعیین‌لنگن.
ذبیح‌الله مجاهد نینگ ایتیشیچه، اوشبو تعیینات ده تخصص نظرگه آلینگن و حکومت تشکیلاتی بوندن کوره کوچلی و زمانه‌وی بولیشی اوچون سعی و حرکت‌لرنی دوامی بار.
اسلامی امارت سوزلاوچی‌سی نینگ کوپه‌یتیریشیچه، کابینه‌ده اقلیت‌لر جمله دن هزاره‌لرنینگ حضوری نظر گه آلینگن.
عین‌حالده، معلومات و مدنیت وزیرلیگی اورین باسری نینگ ایتیشیچه، کابینه سرپرست‌لری نینگ تحلیف مراسمی لغو ایتیلگن. جناب مجاهد نینگ کوپه‌یتیریشیچه، حکومت رهبرلیگی نینگ قراریگه کوره، وزارت خانه‌لر ایش‌لرینی یخشی شکلده انجام بیریشی کیره‌ک.
بیزلرنینگ فیسبوک صحیفه‌میزگه باش اورینگ!
اوتگن کونی باختر خبری آژانسی احمدجان احمدی دن نقل قیلیب، کابینه سرپرست‌لری نینگ تحلیف مراسمی تیزلیککه یولگه قوییلیشیدن خبر بیرگن ایدی.
باختر خبری آژانسی‌گه کوره، کابینه سرپرست‌لری نینگ تحلیف مراسمی‌نی یولگه قوییش اوچون خاص بیر کمیسیون ایجاد ایتیلگن.
