اروپا پارلمانی اوتگن کون بیر قطع‌نامه صادر قیلیش بیلن مذکور اتفاققه اعضا مملکت‌لردن افغانستانلیک قاچقین‌لرنینگ ایسته‌کلری جمله‌دن رد بولگن ایسته‌کلرینی تیکشیریش‌لرینی سوره‌گن.
مذکور قطع‌نامه ۵۳۶ تصدیق آوازی، ۹۶ رد آوازی و ۵۰ ممتنع آواز بیلن اروپا پارلمانی ده تصویب بولدی، مذکور اتفاققه اعضا مملکت‌لردن افغانستانلیک قاچقین‌لرنینگ هیچ بیر شرایط ده زوردن افغانستان گه یوبارمه‌یش‌لری سوره‌لگن.
اوشبو قطع‌نامه ده کیلیشیچه، اروپا اتفاقی گه اعضا مملکتلر بو مملکتلر یشاوچی‌لری نینگ چیقیشی اوچون قولله‌یلیک یره‌تیش و تهدید آستیده بولگن افغانلرگه تینچ یول اَختریب و ضرر کوره‌دیگن افغانستانلیک عیاللر اوچون خاص ویزا برنامه‌سی قول آستیده آلیش‌لری سوره‌لگن.
بیزلرنینگ فیسبوک صحیفه‌میزگه باش اورینگ!
مذکور قطع‌نامه ده کوپه‌یتیریلیشیچه، اتفاققه اعضا مملکتلر افغانستان قوشنی‌لری و اوشبو کیشی‌لرنی سقلش اوچون حرکت قیله‌دیگن مملکت‌لرگه همکارلیک قیلیش‌لری کیره‌ک.
ایتیش کیره‌ک که حاضر کوپینچه افغانستانلیک قاچقینلر اروپا اتفاقی گه اعضا مملکت‌لریده یشه‌یدی که اولر ینگی‌لیکده یا هم اوتمیش ده پناهنده‌لیک خصوصیده عریضه بیرگن ایدی، بیراق اولرنینگ عریضه‌لری رد بولگن ایدی.
