مهاجرلر وزیرلیگی مسئوللری نینگ ایتیش‌لریچه، مملکتده اوروش شدت‌لنگنی و شونینگدیک شهرلر و تومن‌لردن قطاری طالبان نظارتی گه اوتگنی، آواره‌لرنینگ سانی نی کوپه‌یتیرگن.
مهاجرلر وزیرلیگی سوزلاوچیسی اورین‌باسری رضا باهر نینگ سلام‌وطندارگه ایتیشیچه، سونگی پیت‌لرده مملکتده کمیده ۵۷ مینگ عایله آواره بولگن که جاری ییل نینگ یالغیز اسد آیی‌دن بویان بدرغه‌لرنینگ سانی کمیده ۵ مینگ و ۳۰۰ عایله گه ییتیشگن.
مهاجرلر وزیرلیگی سوزلاوچیسی نینگ اورین‌باسری گه کوره، آواره بولگنلرنینگ کوپینچه‌سی هلمند، قندوز، قندهار و ننگرهار ولایت‌لریدن دیر که اولردن کوپینچه‌سیگه انسان‌دوستلیک یاردم‌لر صورت تاپگن و بو پروسه نینگ دوامی بار.
بیزلرنینگ فیسبوک صحیفه‌میزگه باش اورینگ!
اونینگ کوپه‌یتیریشیچه، آواره‌لرنینگ سانی بوندن کوپ بولیشی نی احتمالی بار، چونکه اولر آواره‌لرنینگ تانیش اوچون ناتینچ منطقه‌لردن قطاری گه دسترس‌لیک‌لری یوق. مهاجرلر وزیرلیگی سوزلاوچیسی نینگ اورین‌باسری نینگ ایتیشیچه، بیرلشگن ملتلر تشکیلاتی و آمریکا شامل باشقه مملکتلر هم یاردم بیریش وعده‌سی بیرگن.
بونده‌ی بیاناتلر ارایه ایتیلگن بیرحالده، اوروش بیر قطار ولایتلرنینگ مرکزی گه قدر ییتیشگن و آواره‌لرنینگ ایتیش‌لریچه، اولرگه یاردم بیریلمه‌گن، بیریلگن صورتده هم ییترلی بولمه‌گن.
اوروش دوام ایتیب کیله‌دیگن ولایتلردن کابل گه آواره بولیب کیلگن عایله‌لردن کوپینچه‌سی حیات نینگ یمان وضعیتی دن رنج ایلتماقده. مذکور عایله‌لر برچه نیرسه‌لرینی قوییب و یالغیز اوزلرینی تینچ ییرده ییتیشتیرگنلر که حاضر هم ییگولیک ماده و باش پناه یوقلیگی بیلن روپه‌رو دیر.
بشیراحمد و نذیراحمد بدرغه‌لردن ایکی ته‌سی دیر که اولر قندوز نینگ اوروشی دن کابل گه بدرغه بولیب کیلگن و حاضر شهرنو پارکی گه یشماقده‌لر.
اوشبو ایکی بدرغه نینگ ایتیش‌لریچه، اولرگه هیچ قنده‌ی یاردم بیریلمه‌گن و اولر یمان بیر وضعیتده یشه‌یدی. اولرنینگ کوپه‌یتیریش‌لریچه، قندوز دن مینگلرچه کیشی آواره بولگن که اولردن ۵۰۰ ته‌سی شهرنو پارکی گه جایلشگن.
شونده‌ی بیرحالده، تورلی ولایت‌لرده تومن‌لردن قطاری طالبان نظارتی گه دیر و اولرنینگ یانیده اوتگن نیچه کون و بوگون نیمروز، جوزجان، سرپل، تخار، قندوز و سمنگان ولایت‌لری نینگ مرکزی طالبان نظارتی گه اوتدی و اهالیدن کوپینچه‌سی ایسه آواره بولدی.
