جمهوررئیس‌لیک سرایی بیر خبرنامه ترقه‌تیب ایتیشیچه، مملکت جمهوررئیسی محمداشرف غنی ایچکی آواره‌لرگه ۴۰ میلیون افغانی یاردم بیره‌دی. خبرنامه‌ده کیلیشیچه، جناب غنی بوگون ارگ ده ایچکی آواره‌لرنینگ قیینچلیک‌لرینی حل قیلیش اوچون یولگه قوییلگن ییغینده، بونده‌ی بیر وعده بیرگن.
خبرنامه‌ده یازیلیشیچه، جناب غنی ایتگن که: «۴۰ میلیون افغانی مین تاماندن ایچکی آواره‌لرگه یاردم بیریله‌دی و اولرنینگ برچه قیینچلیک‌لری شاشلینچ کمیته تامانیدن تیکشیریله‌دی.»
باشقه بیر تاماندن جمهوررئیس نینگ کوپه‌یتیریشیچه، ایچکی آواره‌لرگه یاردم بیریلیش اوچون خصوصی سکتورلرنینگ یاردمی نی انسجام قیله‌دیگن بیر صندوق ایجاد و ۱۰ مینگ کیشی گه ایش زمینه‌سی یره‌تیلیشی اوچون عاجل اقدام قیلینیشی کیره‌ک. جناب غنی نینگ اورغولشیچه، ملی دسترخوان برنامه‌سی هم ایچکی آواره‌لر توغریسیده تیزلیککه اقدام قیلیشی کیره‌ک.
بیزلرنینگ فیسبوک صحیفه‌میزگه باش اورینگ!
محمداشرف غنی حکومتی مسئوللرگه، آواره‌لرنینگ یشه‌شی اوچون کمپ ایجاد ایتیلیب و بو کمپ‌لرده ایسه کیره‌ک بولگن برچه نیرسه‌لر جمله‌دن مسجد، برق و باشقه امکانیتلر یره‌تیلیشی خصوصیده بویروغ بیرگن.
شونینگدیک جمهورلیک ریاست بیرینچی اورین‌باسری امرالله صالح نیچه کون آلدین، مملکت حج‌واوقاف وزیری محمدقاسم حلیمی گه اوروش آواره‌لری اوچون کابل ده مسجدلرنینگ ایشیک‌لرینی آچیش گه بویروغ بیرگن ایدی.